الناس آية ۶

جن اور آدمی

جنوں اور انسانوں میں سے

(خواہ) وہ جن میں سے ہو یا انسان میں سے (١)

٦۔١ یہ وسوسہ ڈالنے والوں کی دو قسمیں ہیں، شیاطین الجن کو تو اللہ تعالٰی نے انسانوں کو گمراہ کرنے کی قدرت دی ہے علاوہ ازیں ہر انسان کے ساتھ ایک شیطان اس کا ساتھی ہوتا ہے جو اس کو گمراہ کرتا رہتا ہے چنانچہ حدیث میں آتا ہے کہ جب نبی صلی اللہ علیہ وسلم نے یہ بات فرمائی تو صحابہ کرام نے پوچھا کہ یارسول اللہ! کیا وہ آپ کے ساتھ بھی ہے؟ آپ صلی اللہ علیہ وسلم نے فرمایا ہاں! میرے ساتھ بھی ہے، لیکن اللہ نے اس پر میری مدد فرمائی ہے، اور میرا مطیع ہوگیا ہے مجھے خیر کے علاوہ کسی بات کا حکم نہیں دیتا (صحیح مسلم) اسی طرح حدیث میں آتا ہے کہ نبی صلی اللہ علیہ وسلم اعتکاف فرما تھے کہ آپ صلی اللہ علیہ وسلم کی زوجہ مطہرہ حضرت صفیہ رضی اللہ عنھا آپ صلی اللہ علیہ وسلم سے ملنے کے لیے آئیں رات کا وقت تھا، آپ صلی اللہ علیہ وسلم انہیں چھوڑنے کے لیے ان کے ساتھ گئے۔ راستے میں دو انصاری صحابی وہاں سے گزرے تو آپ صلی اللہ علیہ وسلم نے انہیں بلا کر فرمایا کہ یہ میری اہلیہ، صفیہ بنت حیی، ہیں۔ انہوں نے عرض کیا، یا رسول اللہ صلی اللہ علیہ وسلم کی بابت ہمیں کیا بدگمانی ہو سکتی تھی؟آپ صلی اللہ علیہ وسلم نے فرمایا یہ تو ٹھیک ہے لیکن شیطان انسان کی رگوں میں خوف کی طرح دوڑتا ہے۔ مجھے خطرہ محسوس ہوا کہ کہیں وہ تمہارے دلوں میں کچھ شبہ نہ ڈال دے۔(صحیح بخاری)
دوسرے شیطان، انسانوں میں سے ہوتے ہیں جو ناصح، مشفق کے روپ میں انسانوں کو گمراہی کی تر غیب دیتے ہیں۔ بعض کہتے ہیں کہ شیطان جن کو گمراہ کرتا ہے یہ ان کی دو قسمیں ہیں، یعنی شیطان انسانوں کو بھی گمراہ کرتا ہے اور جنات کو بھی۔ صرف انسانوں کا ذکر تغلیب کے طور پر ہے، ورنہ جنات بھی شیطان کے وسوسوں سے گمراہ ہونے والوں میں شامل ہیں اور بعض کہتے ہیں کہ جنوں پر بھی قرآن میں"رجال "کا لفظ بولا گیا ہے (وَّاَنَّهٗ كَانَ رِجَالٌ مِّنَ الْاِنْسِ يَعُوْذُوْنَ بِرِجَالٍ مِّنَ الْجِنِّ فَزَادُوْهُمْ رَهَقًا Č۝ۙ) 72۔الجن;6) اس لیے وہ بھی ناس کا مصداق ہیں۔

وہ جنّات میں سے (ہو) یا انسانوں میں سے

(خواه) وه جن میں سے ہو یا انسان میں سے

خواہ وہ جِنوں میں سے ہوں یا انسانوں میں سے۔

وہ جنات میں سے ہو یا انسانوں میں سے

(خواہ وہ) جنات سے (ہو) یا انسانوں میں سے
من الجنۃ و الناس، یہ وسوسہ ڈالنے والوں کی دو قسموں کا بیان ہے شیاطین الجن اور شیاطین الانس
شیاطین الجن، کو اللہ تعالیٰ نے انسانوں کو گمراہ کرنے کی قدرت دی ہے، اس کے علاوہ ہر انسان کے ساتھ ایک شیطان اس کا ساتھی ہوتا ہے جو اس کو گمراہ کرتا رہتا ہے، چناچہ حدیث میں آتا ہے کہ جب آپ (صلی اللہ علیہ وآلہ وسلم) نے یہ بات فرمائی تو صحابہ کرام (رض) نے پوچھا کہ یا رسول اللہ (صلی اللہ علیہ وآلہ وسلم) ! کیا وہ آپ (صلی اللہ علیہ وآلہ وسلم) کے ساتھ بھی ہے ؟ آپ (صلی اللہ علیہ وآلہ وسلم) نے فرمایا، ہاں ! میرے ساتھ بھی ہے، لیکن اللہ نے میری مدد فرمائی ہے، وہ میرا مطیع ہوگیا ہے، وہ مجھے خیر کے علاوہ کسی بات کا حکم نہیں دیتا۔ (صحیح مسلم)
اسی طرح ایک حدیث میں آیا ہے کہ ایک مرتبہ آپ (صلی اللہ علیہ وآلہ وسلم) اعتکاف میں تھے کہ آپ (صلی اللہ علیہ وآلہ وسلم) کی زوجہ مطہرہ حضرت صفیہ (رض) آپ (صلی اللہ علیہ وآلہ وسلم) سے ملنے کے لئے آئیں، رات کا وقت تھا، آپ (صلی اللہ علیہ وآلہ وسلم) انہیں چھوڑنے کے لئے ان کے ساتھ گئے، راستہ میں دو انصاری صحابی (رض) وہاں سے گذرے تو آپ (صلی اللہ علیہ وآلہ وسلم) نے ان کو بلایا اور فرمایا یہ میری اہلیہ صفیہ بنت حیی (رض) ہیں انہوں نے عرض کیا، یا رسول اللہ (صلی اللہ علیہ وآلہ وسلم) آپ (صلی اللہ علیہ وآلہ وسلم) کی بابت ہمیں کیا بدگمانی ہوسکتی تھی ؟ آپ (صلی اللہ علیہ وآلہ وسلم) نے فرمایا تو ٹھیک ہے، لیکن شیطان انسان کی دلوں میں خون کی طرح دوڑتا ہے، مجھے خطرہ محسوس ہوا کہ کہیں وہ تمہارے دلوں میں کچھ شبہ نہ ڈال دے۔ (صحیح بخاری)
دوسرے شیطان ایسے ہوتے ہیں، جو ناصح اور مشفق کے روپ میں انسانوں کو گمراہی کی ترغیب دیتے ہیں، بعض لوگوں کا کہنا ہے کہ شیطان، جنات کو بھی گمراہ کرتا ہے صرف انسان کا ذکر تغلیبا ہے۔
اے بسا ابلیس، آدم روئے ہست پس بہ ہر دستے نہ باید داد دست
دعآء ختم القرآن
اللھم انس وحشی فی فبری اللھم ارحمنی بالقران العظیم واجعلہ لی اماما و نوراً وھدی و رحمتہ اللھم ذکرنی منہ مانسیت و علمی منہ ما جھلک وارزقنی تلاوتہ اناء الیل وانآء النھار واجعلہ لی حجتہ یا رب العلمین، امین

...

chahye woh jinnaat mein say ho , ya insanon mein say .