الضحیٰ آية ۱۱

اور اپنے رب کی نعمت کا خوب چرچا کرو

اورہر حال میں اپنے رب کے احسان کا ذکر کیا کرو

اور اپنے رب کی نعمتوں کو بیان کرتا رہ۔ (۱)

۱۱۔۱یعنی اللہ نے تجھ پر جو احسانات کیے ہیں، مثلا ہدایت اور رسالت و نبوت سے نوازا، یتیمی کے باوجود تیری کفالت و سرپرستی کا انتظام کیا، تجھے قناعت وتونگری عطا کی وغیرہ۔

اور اپنے پروردگار کی نعمتوں کا بیان کرتے رہنا

اور اپنے رب کی نعمتوں کو بیان کرتا ره

اور اپنے پروردگار کی نعمت کا اظہار کیجئے۔

اور اپنے پروردگار کی نعمتوں کو برابر بیان کرتے رہنا

اور اپنے پروردگار کی نعمتوں کا بیان کرتے رہنا
واما بنعمۃ ربک فحدث، حدث تحدیث سے مشتق ہے اس کے معنی بات کرنے کے ہیں، مطلب یہ کہ آپ (صلی اللہ علیہ وآلہ وسلم) اللہ کی نعمتوں کا لوگوں کے سامنے ذکر کیا کریں، کہ یہ بھی شکر گزاری کا ایک طریقہ ہے حتی کہ آدمی جو کسی پر احسان کرے اس کا بھی شکر ادا کرنے کا حکم ہے۔
مسئلہ :۔ ہر نعمت کا شکر ادا کرنا واجب ہے، مالی نعمت کا شکریہ ہے کہ اس مال میں سے کچھ اللہ کے لئے اخلاص نیت کے ساتھ خرچ کرے اور نعمت بدنی کا شکریہ ہے کہ جسمانی طاقت کو اللہ تعالیٰ کے واجبات ادا کرنے میں صرف کرے۔

فرمایا: ﴿ وَاَمَّا بِنِعْمَۃِ رَبِّکَ ﴾ ” اور اپنے رب کی نعمتوں کو۔ “اس میں دینی اور دنیاوی دونوں نعمتیں شامل ہیں﴿ فَحَدِّثْ﴾ ”بیان کرتا رہ ۔“ یعنی ان نعمتوں کے ذریعے سے اللہ تعالیٰ کی حمد وثنا بیان کیجئے اور اگر کوئی مصلحت ہو تو ان کا خاص طور پر ذکر کیجئے ، ورنہ اللہ تعالیٰ کی نعمتوں کا علی الاطلاق ذکر کیجئے، کیونکہ اللہ تعالیٰ کی نعمت کا ذکر، اس پر شکرگزاری کاموجب اور دلوں میں اس ہستی کی محبت کاموجب ہے جس نے نعمت عطا کی، کیونکہ محسن کے ساتھ محبت کرنا دلوں کی فطرت ہے۔

aur jo tumharay perwerdigar ki naimat hai , uss ka tazkarah kertay rehna .