الصافات آية ۱۳۳

اور بیشک لوط پیغمبروں میں ہے،

اور بے شک لوط بھی رسولوں میں سے تھا

بیشک لوط (علیہ السلام) بھی پیغمبروں میں سے تھے۔

اور لوط بھی پیغمبروں میں سے تھے

بیشک لوط (علیہ السلام بھی) پیغمبروں میں سے تھے

اور یقیناً لوط(ع) (بھی) پیغمبروں میں سے تھے۔

اور لوط بھی یقینا مرسلین میں تھے

اور لوط بھی پیغمبروں میں سے تھے

...

aur yaqeenan loot bhi payghumberon mein say thay .

قوم لوط (علیہ السلام) ایک عبرت کا مقام۔
اللہ تعالیٰ کے بندے اور اس کے رسول حضرت لوط (علیہ السلام) کا بیان ہو رہا ہے کہ انہیں بھی ان کی قوم نے جھٹلایا۔ جس پر اللہ کے عذاب ان پر برس پڑے اور اللہ نے اپنے پیارے حضرت لوط (علیہ السلام) کو مع ان کے گھر والوں کے نجات دے دی۔ لیکن ان کی بیوی غارت ہوئی قوم کے ساتھ ہی ہلاک ہوئی اور ساری قوم بھی تباہ ہوئی۔ قسم قسم کے عذاب ان پر آئے اور جس جگہ وہ رہتے تھے وہاں ایک بدبو دار اور جھیل بن گئی جس کا پانی بدمزہ بدبو بد رنگ ہے جو آنے جانے والوں کے راستے میں ہی پڑی ہے۔ تم تو دن رات وہاں سے آتے جاتے رہتے ہو اور اس خوفناک منظر اور بھیانک مقام کو صبح شام دیکھتے رہتے ہو۔ کیا اس معائنہ کے بعد بھی عبرت حاصل نہیں کرتے اور سوچتے سمجھتے نہیں ہو ؟ کس طرح یہ برباد کردیئے گئے ؟ ایسا نہ ہو کہ یہی عذاب تم پر بھی آجائیں۔