الغاشیہ آية ۱۱

کہ اس میں کوئی بیہودہ بات نہ سنیں گے،

وہاں کوئی لغو بات نہیں سنیں گے

جہاں کوئی بیہودہ بات نہیں سنیں گے۔

وہاں کسی طرح کی بکواس نہیں سنیں گے

جہاں کوئی بیہوده بات نہیں سنیں گے

جہاں وہ کوئی بےہودہ بات نہیں سنیں گے۔

جہاں کوئی لغو آواز نہ سنائی دے

وہاں کسی طرح کی بکواس نہیں سنیں گے
لاتسمع فیھا لاغیۃ یہ اہل جنت کا تذکرہ ہے جو جہنمیوں کے برعکس نہایت آسودہ حال اور ہر قسم کی آسائشوں سے بہرہ ور ہوں گے یعنی جنت میں کوئی ایسا کلام ان کے کانوں میں نہ پڑے گا جو لغو اور بےہودہ اور دلخراش، تکلیف دہ ہو اس میں کلمات کفریہ اور گالی گلوچ اور افتراء و بہتان سب داخل ہیں۔

﴿لَّا تَسْمَعُ فِیْہَا ﴾ ” اس میں نہیں سنیں گے۔ “یعنی جنت کے اندر ﴿ لَاغِیَۃً ﴾ کوئی حرام بات تو کجا کوئی لغو اور باطل کلمہ بھی (نہیں سنیں گے) بلکہ ان کا تمام تر کلام اچھا اور نفع بخش ہوگا جوا للہ تعالیٰ کے ذکر، ان پر اللہ تعالیٰ کی لگاتار نعمتوں کے ذکر اور ایک دوسرے کے ساتھ رہنے والوں میں باہم آداب حسنہ پر مشتمل ہوگا ۔ جو دلوں کو مسرت اور شرح صدر عطا کرے گا۔

jiss mein woh koi laghw baat nahi sunen gay .