النجم آية ۱۶

جب سدرہ پر چھا رہا تھا جو چھا رہا تھا

جب کہ اس سدرة پر چھا رہا تھا جو چھا رہا تھا (یعنی نور)

جب کہ سدرہ کو چھپائے لیتی تھی وہ چیز جو اس پر چھا رہی تھی (۱)

١٦۔١ سدرۃ المنتہیٰ کی اس کیفیت کا بیان ہے جب شب معراج میں آپ صلی اللہ علیہ وسلم نے اس کا مشاہدہ کیا، سونے کے پروانے اس کے گرد منڈلا رہے تھے، فرشتوں کا عکس اس پر پڑ رہا تھا، اور رب کی تجلیات کا مظہر بھی وہی تھا (ابن کثیر) اس مقام پر نبی صلی اللہ علیہ وسلم کو تین چیزوں سے نوازا گیا، پانچ وقت کی نمازیں، سورہ بقرہ کی آخری آیات اور اس مسلمان کی مغفرت کا وعدہ جو شرک کی آلودگیوں سے پاک ہوگا۔

جب کہ اس بیری پر چھا رہا تھا جو چھا رہا تھا

جب کہ سدره کو چھپائے لیتی تھی وه چیز جو اس پر چھا رہی تھی

جب کہ سدرہ پر چھا رہا تھا (وہ نور) جو چھا رہا تھا۔

جب سدرہ پر چھا رہا تھا جو کچھ کہ چھا رہا تھا

جبکہ اس بیری پر چھا رہا تھا جو چھا رہا تھا
اذ یغشی السدرۃ مایغشی یہ سدرۃ المنتھی کی اس کیفیت کا بیان ہے کہ جب شب معراج میں آپ (صلی اللہ علیہ وآلہ وسلم) نے اس کا مشاہدہ فرمایا تھا، سونے کے پروانے اس کے گرد منڈلا رہے تھے، فرشتوں کا عکس اس پر پڑ رہا تھا اور رب کی تجلیات کا مظہر بھی وہی درخت تھا (ابن کثیر) اسی جگہ آپ (صلی اللہ علیہ وآلہ وسلم) کو تین چیزوں سے نوازا گیا، پانچ وقت کی نمازیں، سورة بقرہ کی آخری آیات اور ان مسلمانوں کی مغفرت کا وعدہ جو شرک کی آلودگیوں سے پاک ہوں گا۔ (صحیح مسلم کتاب الایمان)

﴿اِذْ یَغْشَی السِّدْرَۃَ مَا یَغْشٰی﴾ ’’اس وقت سدرہ پر چھا رہا تھا جو کچھ چھا رہا تھا۔‘‘ یعنی امر الٰہی سے ایک عظیم چیز نے اسے ڈھانپ رکھا تھا جس کا وصف اللہ تعالیٰ کے سوا کوئی نہیں جانتا۔

uss waqt uss bair kay darkht per woh cheezen chai hoi then jo bhi uss per chai hoi then .