الفجر آية ۲۶

اور اس کا سا باندھنا کوئی نہیں باندھتا،

اور نہ اس کے جکڑنے کے برابر کوئی جکڑنے والا ہو گا

نہ اس کی قید و بند جیسی کسی کی قیدو بند ہوگی۔ (۱)

اس لیے کہ اس روز تمام اختیارات صرف ایک اللہ کے پاس ہوں گے، دوسرے کسی کو اس کے سامنے رائے یادم زنی نہیں ہوگا حتی کہ اس کی اجازت کے بغیر کوئی سفارش تک نہیں کر سکے گا ایسے حالات میں کافروں کو جو عذاب ہوگا اور جس طرح وہ اللہ کی قید وبند میں جکڑے ہوں گے، اس کا یہاں تصور بھی نہیں کیا جا سکتا،چہ جائیکہ اس کا کچھ اندازہ ممکن ہو، یہ تو مجرموں اور ظالموں کا حال ہوگا لیکن اہل ایمان وطاعت کا حال اس سے بلکل مختلف ہوگا جیسا کہ اگلی آیات میں ہے۔

اور نہ کوئی ویسا جکڑنا جکڑے گا

نہ اسکی قید وبند جیسی کسی کی قید وبند ہوگی

اور نہ اس کے باندھنے کی طرح کوئی باندھ سکے گا۔

اور نہ اس طرح کسی نے گرفتار کیا ہوگا

اور نہ کوئی ویسا جکڑے گا

﴿وَّلَا یُوْثِقُ وَثَاقَہٗٓ اَحَدٌ﴾ ” اور نہ کوئی ویسا جکڑنا جکڑے گا۔ “ پس انہیں آگ کی زنجیروں میں باندھا جائے گا اور چہروں کے بل کھولتے ہوئے پانی میں گھسیٹا جائے گا ، پھر آگ میں ان کو جلایا جائے گا ، پس یہی مجرموں کی سزا ہے ۔ وہ شخص جو اللہ تعالیٰ پر ایمان لایا، اسی پر مطمئن ہو اا ور اس نے اس کے رسولوں کی تصدیق کی تو اس سے کہا جائے گا: ﴿یٰٓاَیَّتُہَا النَّفْسُ الْمُطْمَیِٕنَّۃُ﴾ اے اللہ تعالیٰ کے ذکر سے اطمینان اور اس کی محبت میں سکون حاصل کرنے والے نفس! جس کی آنکھیں اللہ تعالیٰ کے ذریعے سے ٹھنڈی ہوتی ہیں۔

aur naa uss kay jakarney ki tarah koi jakarney wala hoga .