[O Muhammad], inform My servants that it is I who am the Forgiving, the Merciful, (Al-Hijr [15] : 49)
Sherif Ahmeti:
Njoftoi robët e Mi se vërtet Unë jam Ai që fal shumë dhe mëshirues i madh (Al-Hijr [15] : 49)
1 Feti Mehdiu
Lajmëroi robërit e mi se Unë, njëmend, jam ai që fal dhe mëshirëplotë
2 Hassan Efendi Nahi
Lajmëroji robërit e Mi (o Muhamed) se, vërtet, Unë jam Falësi i madh, Mëshirëploti,
3 Tafsir as-Saadi
Në ajetet e mësipërme, Allahu i Madhëruar foli për Xhenetin dhe Zjarrin, të cilët janë krijim i Tij dhe që duhet të nxisin njerëzit për punë të mira dhe që të kenë frikë nga veprat e këqija. Edhe në ajetin vijues, Allahu i Madhëruar përmend disa cilësi të Tij, duke dashur të nxisë shpresën dhe frikën tek ata:
Thuaju robërve të Mi se vërtet, Unë jam Falësi i Madh e Mëshirëplotë. - Përcill te robërit e Mi lajmin e sigurt, të mbështetur me argumente të shumta, se Unë jam Falës i Madh dhe Mëshirëplotë. Nëse ata mësojnë për mëshirën dhe faljen Time, do të gjallërohen dhe forcohen për të kryer çdo punë që i sjell ata pranë mëshirës Sime. Nga ana tjetër, ata do të largohen nga të gjitha gjynahet dhe poshtërsitë dhe do të pendohen sinqerisht për to, duke shpresuar që t’i përfshijë falja Ime. Por, për të mos u mashtruar dhe për të mos i bërë të shpresojnë aq shumë, sa të harrojnë ndëshkimin e Allahut, njoftoji ata gjithashtu, se edhe ndëshkimi Im është shumë i dhembshëm.