العادیات آية ۵

پھر دشمن کے بیچ لشکر میں جاتے ہیں،

پھر اس وقت دشمنوں کی جماعت میں جا گھستے ہیں

پھر اسی کے ساتھ فوجوں کے درمیان گھس جاتے ہیں۔ (۱)

۵۔۱فوسطن، درمیان میں گھس جاتے ہیں۔ اس وقت، یا حالت گرد و غبار میں۔ جمعا دشمن کے لشکر۔ مطلب ہے کہ اس وقت، یا جبکہ فضا گردوغبار سے اٹی ہوئی ہے یہ گھوڑے دشمن کے لشکروں میں گھس جاتے ہیں اور گھمسان کی جنگ کرتے ہیں۔

پھر اس وقت دشمن کی فوج میں جا گھستے ہیں

پھر اسی کے ساتھ فوجیوں کے درمیان گھس جاتے ہیں

پھر اسی حالت میں (دشمن کی) جماعت (لشکر) میں گھس جاتے ہیں۔

اور دشمن کی جمعیت میں در آنے والے ہیں

پھر اس وقت دشمن کی فوج میں جا گھستے ہیں

﴿فَوَسَطْنَ بِہٖ﴾ ”پھرجا گھستے ہیں۔“ یعنی اپنے سواروں کے ساتھ ﴿جَمْعًا﴾ دشمن کے جتھوں کے درمیان جن پر دھاوا کیا ہے، جواب قسم، اللہ تعالیٰ کا یہ ارشادہے : ﴿اِنَّ الْاِنْسَانَ لِرَبِّہٖ لَکَنُوْدٌ﴾ ”بے شک انسان اپنے رب کا ناشکرا ہے ۔“ یعنی وہ اس بھلائی سے محروم کرنے والا ہے جس سے اللہ تعالیٰ نے اس کو نوازا ہے۔ انسان کی فطرت اور جبلت یہ ہے کہ اس کا نفس ان حقوق کے بارے میں جو اس کے ذمے عائد ہوتے ہیں ،فیاضی نہیں کرتا کہ ان کو کامل طور پر اور پورے پورے ادا کردے بلکہ اس کے ذمہ جو مالی یابدنی حقوق عائد ہوتے ہیں ،ان کے بارے میں اس کی فطرت میں سستی اور حقوق سے منع کرنا ہے ، سوائے اس شخص کے جس کو اللہ عالی نے ہدایت سے بہر مندہ کیا اور اس نے اس وصف سے باہر نکل کرحقوق کی ادائیگی میں فیاضی کے وصف کو اختیار کرلیا۔

phir ussi waqt kissi jhamgathay kay beechon beech ja-ghustay hain ,