الکوثر آية ۳

بیشک جو تمہارا دشمن ہے وہی ہر خیر سے محروم ہے

بے شک آپ کا دشمن ہی بے نام و نشان ہے

یقیناً تیرا دشمن ہی لا وارث اور بےنام و نشان ہے (١)

٣۔١ابتر ایسے شخص کو کہتے ہیں جو مقطوع النسل یا مقطوع الذکر ہو، یعنی اس کی ذات پر ہی اس کی نسل کا خاتمہ ہو جائے یا کوئی اس کا نام لیوا نہ رہے۔ جب نبی صلی اللہ علیہ وسلم کی اولاد نرینہ زندہ نہ رہی تو بعض کفار نے نبی صلی اللہ علیہ وسلم کو ابتر کہا، جس پر اللہ نے آپ صلی اللہ علیہ وسلم کو تسلی دی کہ ابتر تو نہیں، تیرے دشمن ہی ہونگے، چنانچہ اللہ تعالٰی نے آپ صلی اللہ علیہ وسلم کی نسل کو باقی رکھا گو اس کا سلسلہ لڑکی کی طرف سے ہی ہے۔ اسی طرح آپ صلی اللہ علیہ وسلم کی امت بھی آپ صلی اللہ علیہ وسلم کی اولاد معنوی ہی ہے، جس کی کثرت پر آپ صلی اللہ علیہ وسلم قیامت والے دن فخر کریں گے، علاوہ ازیں آپ صلی اللہ علیہ وسلم کا ذکر پوری دنیا میں نہایت عزت و احترام سے لیا جاتا ہے، جبکہ آپ صلی اللہ علیہ وسلم سے بغض و عناد رکھنے والے صرف صفحات تاریخ پر ہی موجود رہ گئے ہیں لیکن کسی دل میں ان کا احترام نہیں اور کسی زبان پر ان کا ذکر نہیں۔

کچھ شک نہیں کہ تمہارا دشمن ہی بےاولاد رہے گا

یقیناً تیرا دشمن ہی ﻻوارث اور بے نام ونشان ہے

بےشک آپ(ص) کا دشمن ہی نسل بُریدہ ہوگا۔

یقینا آپ کا دشمن بے اولاد رہے گا

کچھ شک نہیں کہ تمہارا دشمن ہی بےاولاد رہے گا

﴿اِنَّ شَانِئَکَ﴾ آپ سے بغض رکھنے والا، آپ کی مذمت اور تنقیص کرنے والا ﴿ہُوَ الْاَبْتَرُ﴾ یعنی وہ ہر بھلائی سے محروم ہے اس کا عمل منقطع ہے اور اس کا ذکر منقطع ہے۔ رہے رسول مصطفیٰ محمد صلی اللہ علیہ وسلم تو حقیقت میں وہی کامل ہیں ، آپ کمال کے اس بلندترین مرتبے پر پہنچے ہوئے ہیں جہاں تک پہنچنا مخلوق میں سے کسی کے لیے ممکن نہیں ، مثلا: رفعت ذکر، کثر ت الانصار اور کثرت متبعین۔

yaqeen jano tumhara dushman hi woh hai jiss ki jarr katti hoi hai .