مِنْ شَرِّ الْوَسْوَاسِۙ الْخَـنَّاسِۖ
تفسیر کمالین شرح اردو تفسیر جلالین:
اُس وسوسہ ڈالنے والے کے شر سے جو بار بار پلٹ کر آتا ہے
English Sahih:
From the evil of the retreating whisperer -
ابوالاعلی مودودی Abul A'ala Maududi
اُس وسوسہ ڈالنے والے کے شر سے جو بار بار پلٹ کر آتا ہے
احمد رضا خان Ahmed Raza Khan
اس کے شر سے جو دل میں برے خطرے ڈالے اور دبک رہے
احمد علی Ahmed Ali
اس شیطان کے شر سے جووسوسہ ڈال کر چھپ جاتا ہے
أحسن البيان Ahsanul Bayan
وسوسہ ڈالنے والے پیچھے ہٹ جانے والے کے شر سے۔ (١)
٤۔۱ الوسواس، بعض کے نزدیک اسم فاعل الموسوس کے معنی میں ہے اور بعض کے نزدیک یہ ذی الوسواس ہے۔ وسوسہ، مخفی آواز کو کہتے ہیں، شیطان بھی نہایت غیر محسوس طریقوں سے انسان کے دل میں بری باتیں ڈال دیتا ہے اسی کو وسوسہ کہتے ہیں۔ الخناس (کھسک جانے والا یہ شیطان کی صفت ہے۔ جب اللہ کا ذکر کیا جائے تو یہ کھسک جاتا ہے اور اللہ کی یاد سے غفلت برتی جائے تو دل پر چھا جاتا ہے)
جالندہری Fateh Muhammad Jalandhry
(شیطان) وسوسہ انداز کی برائی سے جو (خدا کا نام سن کر) پیچھے ہٹ جاتا ہے
محمد جوناگڑھی Muhammad Junagarhi
وسوسہ ڈالنے والے پیچھے ہٹ جانے والے کے شر سے
محمد حسین نجفی Muhammad Hussain Najafi
بار بار وسوسہ ڈالنے بار بار پسپا ہونے والے کے شر سے۔
علامہ جوادی Syed Zeeshan Haitemer Jawadi
شیطانی وسواس کے شر سے جو نام خدا سن کر پیچھے ہٹ جاتا ہے
طاہر القادری Tahir ul Qadri
وسوسہ انداز (شیطان) کے شر سے جو (اﷲ کے ذکر کے اثر سے) پیچھے ہٹ کر چھپ جانے والا ہے،