طٰہٰ آية ۹

اور کچھ تمہیں موسیٰ کی خبر آئی

اور کیا تجھے موسیٰ کی بات پہنچی ہے

تجھے موسیٰ (علیہ السلام) کا قصہ بھی معلوم ہے۔

اور کیا تمہیں موسیٰ (کے حال) کی خبر ملی ہے

تجھے موسیٰ (علیہ السلام) کا قصہ بھی معلوم ہے؟

کیا آپ(ص) تک موسیٰ کا واقعہ پہنچا ہے؟

کیا تمہارے پاس موسٰی کی داستان آئی ہے

اور کیا تمہیں موسیٰ (کے حال) کی خبر ملی ہے ؟

اللہ تبارک و تعالیٰ اپنے نبی محمد مصطفی صلی اللہ علیہ وآلہ وسلم اسے استفہام تقریری کے طور پر اور اس قصہ مذکورہ کی تعظیم اور عظمت کی خاطر فرماتا ہے : ﴿وَهَلْ أَتَاكَ حَدِيثُ مُوسَىٰ ﴾ ” کیا آپ کے پاس موسیٰ کی بات آئی؟“ یعنی جناب موسیٰ علیہ السلام کی اس حالت کا قصہ، جو ان کی سعادت کی بنیاد اور ان کی نبوت کی ابتدا تھی کہ انہیں بہت دور سے آگ نظر آئی اور وہ راستے سے بھٹک گئے تھے اور سردی محسوس کر رہے تھے اور ان کے پاس کوئی ایسی چیز نہ تھی جس سے وہ اپنے سفر میں گرمی حاصل کرسکیں۔

aur ( aey payghumber ! ) kiya tum tak musa ka waqiaa phoncha hai-?

آگ کی تلاش۔
یہاں سے حضرت موسیٰ (علیہ السلام) کا قصہ شروع ہوتا ہے۔ یہ واقعہ اس وقت کا ہے جب کہ آپ اس مدت کو پوری کرچکے تھے جو آپ کے اور آپ کے خسر صاحب کے درمیان طے ہوئی تھی اور آپ اپنے اہل و عیال کو لے کر دس سال سے زیادہ عرصے کے بعد اپنے وطن مصر کی طرف جا رہے تھے سردی کی رات تھی راستہ بھول گئے تھے پہاڑوں کی گھاٹیوں کے درمیان اندھیرا تھا ابر چھایا ہوا تھا ہرچند چقماق سے آگ نکالنا چاہی لیکن اس سے بالکل آگ نہ نکلی ادھر ادھر نظریں دوڑائیں تو دائیں جانب کے پہاڑ پر کچھ آگ دکھائی دی تو بیوی صاحبہ سے فرمایا اس طرف آگ سی نظر آرہی ہے میں جاتا ہوں کہ وہاں سے کچھ انگارے لے آؤں تاکہ تم سینک تاپ کرلو اور کچھ روشنی بھی ہوجائے اور یہ بھی ممکن ہے کہ وہاں کوئی آدمی مل جائے جو راستہ بھی بتادے۔ بہر صورت راستے کا پتہ یا آگ مل ہی جائے گی۔