النمل آية ۷۷

اور بیشک وہ ہدایت اور رحمت ہے مسلمانوں کے لیے،

اور بے شک وہ ایمانداروں کے لیے ہدایت اور رحمت ہے

اور یہ قرآن ایمان والوں کے لئے یقیناً ہدایت اور رحمت ہے (١)

٧٧۔ ١ مومنوں کا اختصاص اس لئے کہ وہی قرآن سے فیض یاب ہوتے ہیں۔ انہیں میں وہ بنی اسرائیل بھی ہیں جو ایمان لے آئے تھے۔

اور بےشک یہ مومنوں کے لئے ہدایات اور رحمت ہے

اور یہ قرآن ایمان والوں کے لیے یقیناً ہدایت اور رحمت ہے

اور بلاشبہ وہ (قرآن) مؤمنین کیلئے سراپا ہدایت اور رحمت ہے۔

اور یہ قرآن صاحبان هایمان کے لئے ہدایت اور رحمت ہے

اور بیشک یہ مومنوں کے لئے ہدایت و رحمت ہے

پس فرمایا : ﴿وَإِنَّهُ لَهُدًى ﴾ ” اور بے شک یہ ہدایت ہے۔“ یعنی ضلالت، شبہات اور گمراہی کے جھاڑ جھنکار کے درمیان راہ ہدایت ہے۔ ﴿وَرَحْمَةٌ ﴾ ” اور رحمت ہے۔“ اس سے ان کے سینے ٹھنڈے اور ان کے تمام دینی اور دنیاوی امور درست ہوتے ہیں ﴿لِّلْمُؤْمِنِينَ﴾ یہ ان لوگوں کے لئے رحمت ہے جو اس پر ایمان رکھتے ہیں، اس کی تصدیق کرتے ہوئے اس کو قبول کرتے ہیں، اس میں تدبر اور اس کے معانی میں غور و فکر کرتے ہیں۔ پس انہی لوگوں کو صراط مستقیم کی طرف راہنمائی اور رحمت سے سرفراز کیا جائے گا جو سعادت اور فوز و فلاح کو متضمن ہے۔

aur yaqeenan yeh emaan laney walon kay liye hidayat aur rehmat hai .