Skip to main content

اَفَمَنِ اتَّبَعَ رِضْوَانَ اللّٰهِ كَمَنْۢ بَاۤءَ بِسَخَطٍ مِّنَ اللّٰهِ وَمَأْوٰٮهُ جَهَنَّمُۗ وَ بِئْسَ الْمَصِيْرُ

أَفَمَنِ
کیا بھلا جو
ٱتَّبَعَ
پیروی کرے
رِضْوَٰنَ
رضا کی
ٱللَّهِ
اللہ کی
كَمَنۢ
اس شخص کی طرح ہوسکتا ہے جو
بَآءَ
پلٹے
بِسَخَطٍ
ساتھ ناراضگی کے
مِّنَ
سے
ٱللَّهِ
اللہ کی طرف
وَمَأْوَىٰهُ
اور ٹھکانہ اس کا
جَهَنَّمُۚ
جہنم ہے
وَبِئْسَ
اور کتنی بری ہے
ٱلْمَصِيرُ
لوٹنے کی جگہ

تفسیر کمالین شرح اردو تفسیر جلالین:

بھلا یہ کیسے ہوسکتا ہے کہ جو شخص ہمیشہ اللہ کی رضا پر چلنے والا ہو وہ اُس شخص کے سے کام کرے جو اللہ کے غضب میں گھر گیا ہو اور جس کا آخری ٹھکانا جہنم ہو جو بدترین ٹھکانا ہے؟

ابوالاعلی مودودی Abul A'ala Maududi

بھلا یہ کیسے ہوسکتا ہے کہ جو شخص ہمیشہ اللہ کی رضا پر چلنے والا ہو وہ اُس شخص کے سے کام کرے جو اللہ کے غضب میں گھر گیا ہو اور جس کا آخری ٹھکانا جہنم ہو جو بدترین ٹھکانا ہے؟

احمد رضا خان Ahmed Raza Khan

تو کیا جو اللہ کی مرضی پر چلا وہ اس جیسا ہوگا جس نے اللہ کا غضب اوڑھا اور اس کا ٹھکانا جہنم ہے، اور کیا بری جگہ پلٹنے کی،

احمد علی Ahmed Ali

آیا وہ شخص جو الله کی رضا کا تابع ہے اس کے برابر ہو سکتا ہے جو غضب الہیٰ کا مستحق ہوا اور اس کا ٹھکانہ دوزخ ہے اور کیسی وہ بری جگہ ہے

أحسن البيان Ahsanul Bayan

کیا پس وہ شخص جو اللہ تعالٰی کی خوشنودی کے درپے ہے اس شخص جیسا ہے جو اللہ تعالٰی کی ناراضگی لے کر لوٹتا ہے؟ اور جس کی جگہ جہنم ہے جو بدترین جگہ ہے۔

جالندہری Fateh Muhammad Jalandhry

بھلا جو شخص خدا کی خوشنودی کا تابع ہو وہ اس شخص کی طرح (مرتکب خیانت) ہوسکتا ہے جو خدا کی ناخوشی میں گرفتار ہو اور جس کا ٹھکانہ دوزخ ہے، اور وہ برا ٹھکانا ہے

محمد جوناگڑھی Muhammad Junagarhi

کیا پس وه شخص جو اللہ تعالیٰ کی خوشنودی کے درپے ہے، اس شخص جیسا ہے جو اللہ تعالیٰ کی ناراضگی لے کر لوٹتا ہے؟ اور جس کی جگہ جہنم ہے جو بدترین جگہ ہے

محمد حسین نجفی Muhammad Hussain Najafi

بھلا وہ شخص جو ہمیشہ خدا کی رضا پر چلنے والا ہو۔ وہ اس شخص کی مانند ہو سکتا ہے جو خدا کے غضب میں گھر گیا ہو۔ اور جس کا آخری ٹھکانہ دوزخ ہو اور وہ کیا برا ٹھکانہ ہے؟ ۔

علامہ جوادی Syed Zeeshan Haitemer Jawadi

کیا رضائے الٰہی کا اتباع کرنے والا اس کے جیسا ہوگا جو غضب الٰہی میں گرفتار ہو کہ اس کا انجام جہّنم ہے اور وہ بدترین منزل ہے

طاہر القادری Tahir ul Qadri

بھلا وہ شخص جو اللہ کی مرضی کے تابع ہو گیا اس شخص کی طرح کیسے ہو سکتا ہے جو اللہ کے غضب کا سزاوار ہوا اور اس کا ٹھکانا جہنم ہے، اور وہ بہت ہی بری جگہ ہے،