ص آية ۳۱

جبکہ اس پر پیش کیے گئے تیسرے پہر کو کہ روکئے تو تین پاؤں پر کھڑے ہوں چوتھے سم کا کنارہ زمین پر لگائے ہوئے اور چلائے تو ہوا ہوجائیں

جب اس کے سامنے شام کے وقت تیز رو گھوڑے حاضر کیے گئے

جب ان کے سامنے شام کے وقت تیز رو خاصے گھوڑے پیش کئے گئے (١)

٣١۔١ یعنی حضرت سلیمان علیہ السلام نے بغرض جہاد جو گھوڑے پالے ہوئے تھے، وہ عمدہ نسل تیز رو گھوڑے حضرت سلیمان علیہ السلام پر معائنے کے لئے پیش کئے گئے، ظہر یا عصر سے لے کر آخر دن تک کے وقت کو کہتے ہیں، جسے شام سے تعبیر کرتے ہیں۔

جب ان کے سامنے شام کو خاصے کے گھوڑے پیش کئے گئے

جب ان کے سامنے شام کے وقت تیز رو خاصے گھوڑے پیش کیے گئے

(اور وہ وقت یاد کرنے کے لائق ہے) جب شام (سہ پہر) کے وقت میں عمدہ گھوڑے (معائنہ کیلئے) ان پر پیش کئے گئے۔

جب ان کے سامنے شام کے وقت بہترین اصیل گھوڑے پیش کئے گئے

جب ان کے سامنے شام کو خاصے کے گھوڑے پیش کئے گئے

بنا بریں جب ان کی خدمت میں خوب تربیت یافتہ، تیز رفتار گھوڑے پڑش کئے گئے، جن کا وصف یہ تھا کہ جب وہ کھڑے ہوتے تو ایک پاؤں زمین سے اٹھائے رکھتے۔ ان کو پیش کئے جانے کا منظر نہایت ہی خوبصورت، خوش کن اور تعجب انگیز تھا، خاص طور پر ان لوگوں کے لئے جنہیں ان گھوڑوں کی ضرورت تھی، مثلاً بادشاہ وغیرہ۔ سلیمان علیہ السلام کی خدمت میں یہ گھوڑے پیش ہوتے رہے حتیٰ کہ سورج چھپ گیا اور گھوڑوں کی محبت اور ان میں مصروفیت نے آپ کو عصر کی نماز اور ذکر الٰہی سے غافل کردیا۔

. ( woh aik yaadgaar waqt tha ) jab unn kay samney shaam kay waqt achi nasal kay umda ghorray paish kiye gaye ,