الواقعہ آية ۹۰

اور اگر دہنی طرف والوں سے ہو

اور اگر وہ داہنے والوں میں سے ہے

اور جو شخص داہنے (ہاتھ) والوں میں سے ہے (١)

٩٠۔١ یہ دوسری قسم ہے، عام مومنین۔ یہ بھی جہنم سے بچ کر جنت میں جائیں گے، تاہم درجات میں سابقین سے کمتر ہوں گے۔ موت کا فرشتے ان کو بھی سلامتی کی خوشخبری دیتے ہیں۔

اور اگر وہ دائیں ہاتھ والوں میں سے ہے

اور جو شحص داہنے (ہاتھ) والوں میں سے ہے

اور اگر وہ اصحاب الیمین میں سے ہے (تواس سے کہا جاتا ہے)۔

اور اگر اصحاب یمین میں سے ہے

اگر وہ دائیں ہاتھ والوں میں سے ہے
واما ان کان من اصحب الیمین یہ دوسری قسم ہے، یہ عام مومنین ہیں یہ بھی جہنم سے بچ جائیں گے اور جنت میں جائیں گے تاہم درجات میں سابقین سے کم ہوں گے موت کے وقت ان کو بھی سلامتی کی خوشخبری دیتے ہیں۔

﴿وَاَمَّآ اِنْ کَانَ مِنْ اَصْحٰبِ الْیَمِیْنِ﴾ ’’اور اگر وہ داہنے ہاتھ والوں میں سے ہے۔‘‘ یہ وہ لوگ ہیں جنہوں نے واجبات کو ادا کیا اور محرمات کو ترک کیا، اگرچہ ان سے بعض ایسے حقوق کے بارے میں کوتاہی سرزد ہوئی جن سے ان کے ایمان اور توحید میں خلل واقع نہیں ہوا۔﴿ فَ﴾ تو ان میں سے ہر کسی سے کہا جائے گا :﴿سَلٰمٌ لَّکَ مِنْ اَصْحٰبِ الْیَمِیْنِ﴾ تمہارے اصحاب یمین بھائیوں کی طرف سے تمہیں سلامتی حاصل ہے یعنی جب وہ ان کے پاس پہنچے گا اور ان سے ملاقات کرے گا تو وہ اسے سلام اور خوش آمدید کہیں گے ۔یا اس سے کہا جائے گا کہ دنیا کی آفات، مصائب اور عذاب سے تم سلامت ہو کیونکہ تم اصحاب یمین میں سے ہو جو ہلاک کرنے والے گناہوں سے بچتے رہے ہیں۔

aur agar woh dayen haath walon mein say ho