الواقعہ آية ۹۵

یہ بیشک اعلیٰ درجہ کی یقینی بات ہے،

بے شک یہ تحقیقی یقینی بات ہے

یہ خبر سراسر حق اور قطعاً یقینی ہے۔

یہ (داخل کیا جانا یقیناً صحیح یعنی) حق الیقین ہے

یہ خبر سراسر حق اور قطعاً یقینی ہے

(جو کچھ بیان ہوا) بےشک یہ حق الیقین (قطعی حق) ہے۔

یہی وہ بات ہے جو بالکل برحق اور یقینی ہے

یہ (داخل کیا جانا یقینا صحیح یعنی) حق الیقین ہے

﴿اِنَّ ھٰذَا﴾ یہ سب کچھ جس کا اللہ تعالیٰ نے ذکر فرمایا ہے ،مثلا بندوں کے اچھے برے اعمال کی جزا وسزا، اور اس کی تفاصیل ﴿ لَہُوَ حَقُّ الْیَقِیْنِ﴾ ’’بلاشبہ یہی (مذکور )حق الیقین ہے۔‘‘ یعنی اس میں کوئی شک وشبہ نہیں۔ بلکہ یہ ثابت شدہ حق ہے جس کا وقوع لازمی ہے۔ اللہ تعالیٰ نے اپنے بندوں کے سامنے اس پر قطعی دلائل پیش کیے ہیں اور اس کی حیثیت خرد مندوں کے نزدیک ایسے ہے گویا کہ وہ اس کا ذائقہ چکھ رہے ہوں اور اس کی حقیقت کا مشاہدہ کررہے ہوں۔ پس انہوں نے اس امر پر اللہ تعالیٰ کی حمد وثنا بیان کی کہ اس نے ان کو اس عظیم نعمت اور اتنی بڑی عنایت سے مختص کیا۔ بنابریں اللہ تعالیٰ نے فرمایا ﴿فَسَبِّحْ بِاسْمِ رَبِّکَ الْعَظِیْمِ﴾ ’’لہذا تو اپنے عظیم الشان پروردگار کی تسبیح کر۔ ‘‘پس پاک ہے ہمارا رب عظیم، منزہ اور بہت بلند وبرتر ان باتوں سے جو منکرین حق (اس کے بارے میں) کرتے ہیں۔

uss mein koi shak nahi kay bilkul sahih maani mein yehi yaqeeni baat hai .