الضحیٰ آية ۷

اور تمہیں اپنی محبت میں خود رفتہ پایا تو اپنی طرف راہ دی

اور آپ کو (شریعت سے) بے خبر پایا پھر (شریعت کا) راستہ بتایا

اور تجھے راہ بھولا پا کر ہدایت نہیں دی (١)

٧۔١ یعنی تجھے دین شریعت اور ایمان کا پتہ نہیں تھا، ہم نے تجھے راہ یاب کیا، نبوت سے نوازا اور کتاب نازل کی، ورنہ اس سے قبل تو ہدایت کے لئے سرگرداں تھا۔

اور رستے سے ناواقف دیکھا تو رستہ دکھایا

اور تجھے راه بھوﻻ پا کر ہدایت نہیں دی

اور آپ(ص) کو گمنام پایا تو (لوگوں کو آپ(ص) کی طرف) راہنمائی کی۔

اور کیا تم کو گم گشتہ پاکر منزل تک نہیں پہنچایا ہے

اور راستے سے ناواقف دیکھا تو سیدھا راستہ دکھایا
ووجدک ضالاً فھدی لفظ ضال کے معنی گمراہ کے بھی آتے ہیں اور ناواقف وبے خبر کے بھی، یہاں دوسرے معنی مراد ہیں کہ نبوت سے پہلے آپ (صلی اللہ علیہ وآلہ وسلم) شریعت الٰہیہ کے احکام اور علوم سے بیخبر تھے، اللہ نے آپ (صلی اللہ علیہ وآلہ وسلم) کو منصب نبوت پر فائز فرما کر آپ (صلی اللہ علیہ وآلہ وسلم) کی رہنمائی فرمائی۔

﴿وَوَجَدَکَ ضَالًّا فَہَدٰی﴾ یعنی اللہ تعالیٰ نے آپ کو اس حال میں پایا کہ آپ نہیں جانتے تھے کہ کتاب کیا ہے اور ایمان کیا ہے ۔ پس اس نے آپ کو وہ علم عطا کیا جو آپ نہیں جانتے تھے اور آپ کو بہترین اعمال اور بہترین اخلاق کی توفیق بخشی۔

aur tumhen raastay say na-waqif paya to raasta dikhaya ,