الماعون آية ۴

تو ان نمازیوں کی خرابی ہے،

پس ان نمازیوں کے لیے ہلاکت ہے

ان نمازیوں کے لئے افسوس (اور ویل نامی جہنم کی جگہ) ہے۔

تو ایسے نمازیوں کی خرابی ہے

ان نمازیوں کے لئے افسوس (اور ویل نامی جہنم کی جگہ) ہے

تباہی ہے ان نمازیوں کیلئے۔

تو تباہی ہے ان نمازیوں کے لئے

تو ایسے نمازیوں کی خرابی ہے
فویل اللمصلین (الآیۃ) یہ منافقین کا حال بیان فرمایا ہے جو لوگوں کو دکھلانے اور اپنے دعوائے اسلام کو ثابت کرنے کے لئے نماز تو پڑھتے ہیں، مگر چونکہ وہ نماز کی فرضیت کے معتقد نہیں، اس لئے نہ اوقات کی پابندی کرتے ہیں نہ اصل نماز کی۔

﴿فَوَیْلٌ لِّلْمُصَلِّیْنَ﴾ہلاکت ہے نماز کا التزا م کرنے و الوں کے لیے مگر وہ ﴿عَنْ صَلَاتِہِمْ سَاہُوْنَ﴾” اپنی نماز سے غافل ہیں۔ “یعنی وہ اپنی نماز کو ضائع کرتے ہیں اس کے وقت مسنون کو ترک کرتے ہیں اور اس کے ارکان کو برے طریقے سے ادا کرتے ہیں اس کا سبب ، اللہ تعالیٰ کے حکم کا عدم اہتمام ہے کہ انہوں نے نماز کو ترک کردیا جو سب سے اہم عبادت ہے۔ نماز سے غفلت ہی ہے جو نمازی کو مذمت اور ملامت کا مستحق بناتی ہے۔ اور رہا نماز کے اندر سہو تو یہ ہر ایک سے واقع ہوجاتا ہے حتیٰ کہ نبی اکرم سے بھی سہو واقع ہوا ہے۔ بنابریں اللہ تعالیٰ نے نماز سے غافل لوگوں کو ریا، قساوت اور بے رحمی جیسے اوصاف سے موصوف کیا ہے۔

phir bari kharabi hai unn namaz parhney walon ki