اَرَءَيْتَ الَّذِىْ يُكَذِّبُ بِالدِّيْنِۗ
کیا آپ نے اس شخص کو دیکھا جو دین کو جھٹلاتا ہے،
فَذٰلِكَ الَّذِىْ يَدُعُّ الْيَتِيْمَۙ
تو یہ وہ شخص ہے جو یتیم کو دھکے دیتا ہے (یعنی یتیموں کی حاجات کو ردّ کرتا اور انہیں حق سے محروم رکھتا ہے)،
وَ لَا يَحُضُّ عَلٰى طَعَامِ الْمِسْكِيْنِۗ
اور محتاج کو کھانا کھلانے کی ترغیب نہیں دیتا (یعنی معاشرے سے غریبوں اور محتاجوں کے معاشی اِستحصال کے خاتمے کی کوشش نہیں کرتا)،
فَوَيْلٌ لِّلْمُصَلِّيْنَۙ
پس افسوس (اور خرابی) ہے ان نمازیوں کے لئے،
الَّذِيْنَ هُمْ عَنْ صَلَاتِهِمْ سَاهُوْنَۙ
جو اپنی نماز (کی روح) سے بے خبر ہیں (یعنی انہیں محض حقوق اﷲ یاد ہیں حقوق العباد بھلا بیٹھے ہیں)،
الَّذِيْنَ هُمْ يُرَاۤءُوْنَۙ
وہ لوگ (عبادت میں) دکھلاوا کرتے ہیں (کیونکہ وہ خالق کی رسمی بندگی بجا لاتے ہیں اور پسی ہوئی مخلوق سے بے پرواہی برت رہے ہیں)،
وَيَمْنَعُوْنَ الْمَاعُوْنَ
اور وہ برتنے کی معمولی سی چیز بھی مانگے نہیں دیتے،
| القرآن الكريم: | الماعون |
|---|---|
| آية سجدہ (سجدة): | - |
| سورۃ کا نام (latin): | Al-Ma'un |
| سورہ نمبر: | 107 |
| کل آیات: | 7 |
| کل کلمات: | 25 |
| کل حروف: | 125 |
| کل رکوعات: | 1 |
| مقام نزول: | مکہ مکرمہ |
| ترتیب نزولی: | 17 |
| آیت سے شروع: | 6197 |