الحجر آية ۱۷

اور اسے ہم نے ہر شیطان مردود سے محفوظ رکھا

اور ہم نے اسے ہرشیطان مردود سے محفوظ رکھا

اور اسے ہر مردود شیطان سے محفوظ رکھا ہے (١)

١٧۔١ رجیم مرجوم کے معنی میں ہے رَجْم کے معنی ہیں سنگسار کرنا یعنی پتھر مارنے کے ہیں۔ شیطان کو رجیم اس لئے کہا گیا ہے کہ یہ سب آسمان کی طرف جانے کی کوشش کرتا ہے تو آسمان سے شہاب ثاقب اس پر ٹوٹ کر گرتے ہیں، پھر رجیم ملعون و مردود کے معنی میں بھی استعمال ہوتا ہے، کیونکہ جسے سنگسار کیا جاتا ہے اسے ہر طرف سے لعنت ملامت بھی کی جاتی ہے۔ یہاں اللہ تعالٰی نے یہی فرمایا ہے کہ ہم نے آسمانوں کی حفاظت فرمائی ہر شیطان رجیم سے۔ یعنی ان ستاروں کے ذریعے سے، کیونکہ یہ شیطان کو مار بھاگنے پر مجبور کر دیتے ہیں۔

اور ہر شیطان راندہٴ درگاہ سے اُسے محفوظ کر دیا

اور اسے ہر مردود شیطان سے محفوظ رکھا ہے

اور ہم نے اسے ہر مردود شیطان سے محفوظ کر دیا۔

اور ہر شیطان رجیم سے محفوظ بنادیا

اور ہر شیطان راندہ درگار سے اسے محفوظ کردیا۔

﴿وَحَفِظْنَاهَا مِن كُلِّ شَيْطَانٍ رَّجِيمٍ﴾ ” اور ہم نے اس کی حفاظت کی ہر شیطان مردوں سے“ جب وہ سن گن لینے کی کوشش کرتا ہے تو شہاب ثاقب اس کا پیچھا کرتے ہیں اور یوں آسمان شیطان کی دست برد سے محفوظ ہے۔ آسمان کا ظاہری حصہ روشن ستاروں کے ذریعے سے خوبصورتی سے سجا ہوا ہے اور اس کا باطنی حصہ آفتوں سے محفوظ کردیا گیا ہے۔

aur ussay her mardood shetan say mehfooz rakha hai ,