مریم آية ۵۷

اور ہم نے اسے بلند مکان پر اٹھالیا

اور ہم نے اسے بلند مرتبہ پر پہنچایا

ہم نے اسے بلند مقام پر اٹھا لیا (١)

٥٧۔١ حضرت ادریس علیہ السلام، کہتے ہیں کہ حضرت آدم علیہ السلام کے بعد پہلے نبی تھے اور حضرت نوح علیہ السلام کے یا ان کے والد کے دادا تھے، انہوں نے ہی سب سے پہلے کپڑے سیئے، بلندی مکان سے مراد؟ بعض مفسرین نے اس کا مفہوم رُفِعَ اِلَی السَّمَآءِ سمجھا ہے کہ حضرت عیسیٰ علیہ السلام کی طرح انہیں بھی آسمان پر اٹھا لیا گیا لیکن قرآن کے الفاظ اس مفہوم کے لئے صاف نہیں ہیں اور کسی صحیح حدیث میں بھی یہ بیان نہیں ہوا۔ البتہ اسرائیلی روایات میں ان کے آسمان پر اٹھائے جانے کا ذکر ملتا ہے جو اس مفہوم کے اثبات کے لئے کافی نہیں۔ اس لئے زیادہ صحیح بات یہی معلوم ہوتی ہے کہ اس سے مراد مرتبے کی وہ بلندی ہے جو نبوت سے سرفراز کر کے انہیں عطا کی گئی۔ واللہ اعلم

اور ہم نے ان کو اونچی جگہ اُٹھا لیا تھا

ہم نےاسے بلند مقام پر اٹھا لیا

اور ہم نے انہیں بڑے ہی اونچے مقام تک بلند کیا تھا۔

اور ہم نے ان کو بلند جگہ تک پہنچادیا ہے

اور ہم نے انکو اونچی جگہ اٹھا لیا تھا

﴿وَرَفَعْنَاهُ مَكَانًا عَلِيًّا ﴾ یعنی اللہ تعالیٰ نے جہانوں میں ان کا ذکر اور مقربین کے درمیان ان کا درجہ بلند کیا۔ پس وہ ذکر کے لحاظ سے بھی بلند تھے اور مقام و مرتبہ کے اعتبار سے بھی بلند۔

aur hum ney unhen rafat dey ker aik buland maqam tak phoncha diya tha .