الحج آية ۲۰

جس سے گل جائے گا جو کچھ ان کے پیٹوں میں ہے اور ان کی کھالیں

جس سے جو کچھ ان کے پیٹ میں ہے اور کھالیں جھلس دی جائیں گی

جس سے ان کے پیٹ کی سب چیزیں اور کھالیں گلا دی جائیں گی۔

اس سے ان کے پیٹ کے اندر کی چیزیں اور کھالیں گل جائیں گی

جس سے ان کے پیٹ کی سب چیزیں اور کھالیں گلا دی جائیں گی

(اور) جس سے ان کے پیٹ کے اندر کی چیزیں اور کھالیں گل جائیں گی۔

جس سے ان کے پیٹ کے اندر جو کچھ ہے اور ان کی جلدیں سب گل جائیں گی

اس سے ان کے پیٹ میں اندر کی چیزیں اور کھالیں گل جائیں گی

اللہ تبارک و تعالیٰ نے ان آیات کریمہ کے درمیان، جملہ معترضہ کے طور پر اپنے لئے مخلوقات کے سجدے کا ذکر فرمایا ہے، یعنی آسمانوں اور زمین کی تمام مخلوقات، سورج، چاند، ستاروں، پہاڑ، زمین پر چلنے والے تمام جاندار یعنی تمام حیوانات اور لوگوں کی ایک بڑی تعداد یعنی اہل ایمان کے سجدے کا ذکر فرمایا ہے۔
﴿وَكَثِيرٌ حَقَّ عَلَيْهِ الْعَذَابُ﴾ بہت سے لوگ ایسے ہیں، جن کے کفر اور عدم ایمان کی وجہ سے ان پر عذاب واجب ہوگا۔ اللہ تعالیٰ نے ان کو ایمان کی توفیق نہ بخشی کیونکہ اللہ تعالیٰ نے ان کو رسوا کیا ﴿وَمَن يُهِنِ اللّٰـهُ فَمَا لَهُ مِن مُّكْرِمٍ ﴾ ” اور جس کو اللہ تعالیٰ رسوا کرے تو کوئی اس کو عزت دینے والا نہیں۔“ اور کوئی اس کو اس کے ارادے سے باز نہیں رکھ سکتا اور نہ کوئی ہستی اس کی مشیت کی مخالفت کرسکتی ہے۔ پس جب تمام مخلوق اپنے رب کے حضور سربسجود، اس کی عظمت کے سامنے سرافگندہ، اس کے غلبہ کے سامنے عاجز و فروتن اور اس کے تسلط کے سامنے لاچار ہے۔ تو یہ چیز دلالت کرتی ہے کہ وہی اکیلا رب معبود اور بادشاہ محمود ہے اور جو کوئی اس سے روگردانی کر کے کسی اور کی عبادت کرتا ہے تو وہ بہت دور کی گمراہی اور واضح خسارے میں جا پڑا۔

jiss say unn kay pet kay andar ki cheezen aur khalen gal jayen gi .