اِنَّ اللّٰهَ لَا يَخْفٰى عَلَيْهِ شَىْءٌ فِى الْاَرْضِ وَلَا فِى السَّمَاۤءِ ۗ
تفسیر کمالین شرح اردو تفسیر جلالین:
زمین اور آسمان کی کوئی چیز اللہ سے پوشیدہ نہیں
English Sahih:
Indeed, from Allah nothing is hidden in the earth nor in the heaven.
ابوالاعلی مودودی Abul A'ala Maududi
زمین اور آسمان کی کوئی چیز اللہ سے پوشیدہ نہیں
احمد رضا خان Ahmed Raza Khan
اللہ پر کچھ چھپا ہوا نہیں زمین میں نہ آسمان میں،
احمد علی Ahmed Ali
الله پر زمین اور آسمان میں کوئی چیز چھپی ہوئی نہیں
أحسن البيان Ahsanul Bayan
یقیناً اللہ تعالٰی پر زمین و آسمان کی کوئی چیز پوشیدہ نہیں۔
جالندہری Fateh Muhammad Jalandhry
خدا (ایسا خبیر وبصیر ہے کہ) کوئی چیز اس سے پوشیدہ نہیں نہ زمین میں اور نہ آسمان میں
محمد جوناگڑھی Muhammad Junagarhi
یقیناً اللہ تعالیٰ پر زمین وآسمان کی کوئی چیز پوشیده نہیں
محمد حسین نجفی Muhammad Hussain Najafi
بے شک خدا پر کوئی چیز پوشیدہ نہیں ہے زمین میں اور نہ آسمان میں۔
علامہ جوادی Syed Zeeshan Haitemer Jawadi
خدا کے لئے آسمان و زمین کی کوئی شے مخفی نہیں ہے
طاہر القادری Tahir ul Qadri
یقینا اﷲ پر زمین اور آسمان کی کوئی بھی چیز مخفی نہیں،
تفسير ابن كثير Ibn Kathir
خالقِ کل
اللہ تعالیٰ خبر دیتا ہے کہ آسمان و زمین کے غیب کو وہ بخوبی جانتا ہے اس پر کوئی چیز مخفی نہیں، وہ تمہیں تمہاری ماں کے پیٹ میں جس طرح کی چاہتا ہے اچھی، بری نیک اور بد صورتیں عنایت فرماتا ہے، اس کے سوا عبادت کے لائق کوئی نہیں وہ غالب ہے حکمت والا ہے، جبکہ صرف اسی ایک نے تمہیں بنایا، پیدا کیا، پھر تم دوسرے کی عبادت کیوں کرو ؟ وہ لازوال عزتوں والا غیرفانی حکمتوں والا، اٹل احکام والا ہے۔ اس میں اشارہ بلکہ تصریح ہے کہ حضرت عیسیٰ بھی اللہ عزوجل ہی کے پیدا کئے ہوئے اور اسی کی چوکھٹ پر جھکنے والے تھے، جس طرح تمام انسان اس کے پیدا کردہ ہیں انہی انسانوں میں سے ایک آپ بھی ہیں، وہ بھی ماں کے رحم میں بنائے گئے ہیں اور میرے پیدا کرنے سے پیدا ہوئے، پھر وہ اللہ کیسے بن گئے ؟ جیسا کہ اس لعنتی جماعت نصاریٰ نے سمجھ رکھا ہے، حالانکہ وہ تو ایک حالت سے دوسری حالت کی طرف رگ و ریشہ کی صورت ادھراُدھر پھرتے پھراتے رہے، جیسے اور جگہ ہے آیت (يَخْلُقُكُمْ فِيْ بُطُوْنِ اُمَّهٰتِكُمْ خَلْقًا مِّنْۢ بَعْدِ خَلْقٍ فِيْ ظُلُمٰتٍ ثَلٰثٍ ) 39 ۔ الزمر ;6) وہ اللہ جو تمہیں ماؤں کے پیٹوں میں پیدا کرتا ہے، ہر ایک کی پیدائش طرح طرح کے مرحلوں سے گزرتی ہے۔