الذاریات آية ۹

اس قرآن سے وہی اوندھا کیا جاتا ہے جس کی قسمت ہی میں اوندھایا جانا ہو

قرآن سے وہی روکا جاتا ہےجوازل سے گمراہ ہے

اس سے وہی باز رکھا جاتا ہے (١) جو پھیر دیا گیا ہو۔

٩۔١ یعنی نبی صلی اللہ علیہ وسلم پر ایمان لانے سے، یا حق سے یعنی بعث و توحید سے یا مطلب ہے مذکورہ اختلاف سے وہ شخص پھیر دیا گیا جسے اللہ نے اپنی توفیق سے پھیر دیا، پہلے مفہوم میں ذم ہے اور دوسرے میں مدح۔

اس سے وہی پھرتا ہے جو (خدا کی طرف سے) پھیرا جائے

اس سے وہی باز رکھا جاتا ہے جو پھیر دیا گیا ہو

اس (دین) سے پھرتا وہی ہے جو (حق سے) پھرا ہوا ہے۔

حق سے وہی گمراہ کیا جاسکتا ہے جو بہکایا جاچکا ہے

اس سے وہی پھرتا ہے جو (خدا کی طرف سے) پھیرا جائے

﴿ يُؤْفَكُ عَنْهُ مَنْ أُفِكَ﴾ پس اس سے وہی پھرتا ہے جو ایمان سے پھرتا ہے اور اللہ تعالیٰ کے یقینی دلائل و براہین سے منہ موڑتا ہے۔ ان کے قول میں اختلاف اس کے فاسد اور باطل ہونے پر دلالت کرتا ہے جس طرح حق، جسے رسول مصطفی محمد صلی اللہ علیہ وآلہ وسلم لے کر آئے ہیں، متفق علیہ ہے، اس کا ایک حصہ دوسرے کی تصدیق کرتا ہے، اس میں کوئی تناقض ہے نہ کسی قسم کا اختلاف اور یہ چیز اس کے صحیح ہونے کی دلیل ہے نیز یہ اس بات کی دلیل ہے کہ یہ اللہ تعالیٰ کی طرف سے ہے۔ ﴿وَلَوْ كَانَ مِنْ عِندِ غَيْرِ اللّٰـهِ لَوَجَدُوا فِيهِ اخْتِلَافًا كَثِيرًا﴾ (النساء : 4؍82) ” اور اگر یہ قرآن غیر اللہ کی طرف سے ہوتا تو وہ اس میں بہت زیادہ اختلاف پاتے۔ “

iss ( aakhirat ki haqeeqat ) say wohi mun morrta hai jo haq say bilkul hi murra huwa hai .