الطور آية ۱۱

تو اس دن جھٹلانے والوں کی خرابی ہے

پس اس دن جھٹلانے والوں کے لیے ہلاکت ہے

اس دن جھٹلانے والوں کی (پوری) خرابی ہے۔

اس دن جھٹلانے والوں کے لئے خرابی ہے

اس دن جھٹلانے والوں کو (پوری) خرابی ہے

پس تباہی ہوگی اس دن جھٹلانے والوں کیلئے۔

پھر جھٹلانے والوں کے لئے عذاب اور بربادی ہی ہے

اس دن جھٹلانے والوں کے لئے خرابی ہے

﴿فَوَیْلٌ یَّوْمَیِٕذٍ لِّلْمُکَذِّبِیْنَ ﴾’’پس اس دن جھٹلانے والوں کے لیے خرابی ہے۔،، الویل ہر قسم کی عقوبت، حزن وغم، عذاب اور خوف کے لیے ایک جامع کلمہ ہے، پھر اللہ تعالیٰ نے ان جھٹلانے والوں کا وصف بیان فرمایا جو اس ویل کے مستحق ہیں۔ چنانچہ ارشاد فرمایا: ﴿ الَّذِينَ هُمْ فِي خَوْضٍ يَلْعَبُونَ ﴾’’جو اپنی بے ہودہ گوئی میں اچھل کود کررہے ہیں،، یعنی وہ باطل میں گھس کو اس سے کھیل رہے ہیں پس ان کے تمام علوم اور ان کی تمام ضرر رساں علمی تحقیقات تکذیب حق اور تصدیق باطل کو متضمن ہیں ان کے تمام اعمال جہلا، سفہاء اور لہو ولعب میں مشغول لوگوں کے اعمال ہیں۔ بخلاف ان اعمال کے جن پر اہل تصدیق اور اہل ایمان کاربند ہیں، یعنی علوم نافعہ اور اعمال صالحہ۔

tu uss din bari kharabi hogi unn ki jo haq ko jhutlatay hain ,