النجم آية ۴۸

اور یہ کہ اسی نے غنیٰ دی اور قناعت دی

اور یہ کہ وہی غنی اور سرمایہ دار کرتا ہے

اور یہ کہ وہی مالدار بناتا ہے اور سرمایا دیتا ہے (١)

٤٨۔١ یعنی کسی کو اتنی تونگری دیتا ہے کہ وہ کسی کا محتاج نہیں ہوتا اور اسکی تمام حاجتیں پوری ہو جاتی ہیں اور کسی کو اتنا سرمایا دے دیتا ہے کہ اس کے پاس ضرورت سے زائد بچ رہتا ہے اور وہ اس کو جمع کرکے رکھتا ہے۔

اور یہ کہ وہی دولت مند بناتا اور مفلس کرتا ہے

اور یہ کہ وہی مالدار بناتا ہے اور سرمایہ دیتا ہے

اور یہ کہ وہی سرمایہ دار بناتا ہے اور وہی فقیر و نادار بناتا ہے۔

اور اسی نے مالدار بنایا ہے اور سرمایہ عطا کیا ہے

اور یہ کہ وہی دولت مند بناتا اور مفلس کرتا ہے
وانہ ھو اغنی و اقنی اغناء کے معنی دوسرے کو غنی کرنا اور اقنی قنیۃ سے مشتق ہے جس کے معنی محفوظ اور ریزرو سرمایہ کے ہیں مراد آیت کی یہ ہے کہ اللہ تعالیٰ ہی لوگوں کو مال دار اور غنی بناتا ہے اور وہی جس کو چاہے اتنا سرمایہ دیتا یہ کہ اس کو ذخیرہ کرسکے۔

﴿وَاَنَّہٗ ہُوَ اَغْنٰی وَاَقْنٰی﴾ ’’اور بے شک وہی غنی کرتا ہے اور وہی دولت دیتا ہے۔‘‘ وہ بندوں کو ان کے معاشی معاملات، یعنی تجارت اور صنعت وحرفت کے مختلف پیشوں میں آسانی پیدا کرکے مال دار بناتا ہے۔ ﴿ وَاَقْنٰی ﴾ یعنی اللہ تعالیٰ بندوں کو مال کی تمام انواع عطا کرتا ہے جس سے وہ مال دار بن کر بہت سے اموال کے مالک بن جاتے ہیں۔ یہ اللہ کی نعمت ہے کہ اس نے بندوں کو آگاہ فرمایا کہ تمام نعمتیں اسی کی طرف سے ہیں اور یہ چیز بندوں پر واجب ٹھہراتی ہے کہ وہ اس کا شکر ادا کریں اور اسی اکیلے کی عبادت کریں جس کا کوئی شریک نہیں۔

aur yeh kay wohi hai jo maal daar banata aur dolat ko mehfooz kerata hai ,