النجم آية ۵۵

تو اے سننے والے اپنے رب کی کون سی نعمتوں میں شک کرے گا،

پس اپنے رب کی کون کون سی نعمت میں تو شک کرے گا

پس اے انسان تو اپنے رب کی کس کس نعمت کے بارے میں جھگڑے گا؟ (١)

٥٥۔١ یا شک کرے گا اور ان کو جھٹلائے گا، جب کہ وہ اتنی عام اور واضح ہیں کہ ان کا انکار ممکن ہے اور نہ چھپانا ہی۔

تو (اے انسان) تو اپنے پروردگار کی کون سی نعمت پر جھگڑے گا

پس اے انسان تو اپنے رب کی کس کس نعمت کے بارے میں جھگڑے گا؟

پس تو اے مخاطب اپنے پروردگار کی کن کن نعمتوں میں شک کرے گا۔

اب تم اپنے پروردگار کی کس نعمت پر شک کررہے ہو

(اے انسان ! ) تو اپنے پروردگار کی کون سی نعمت پر جھگڑے گا ؟
فبای آلا ربک تتماری تمہاری کے معنی جھگڑنے اور مخالفت کرنے کے ہیں، حضرت ابن عباس (رض) نے فرمایا کہ یہ خطاب ہر انسان کو ہے کہ سابقہ آیات اور صحف موسیٰ اور صحف ابراہیم میں آئی ہوئی آیات ربانی میں کوئی ذرا بھی غور و فکر کرے تو اس کو رسول اللہ (صلی اللہ علیہ وآلہ وسلم) اور آپ کی وحی اور تعلیمات کے حق ہونے میں کسی شک و شبہ کی گنجائش نہیں رہتی اور اقوام سابقہ کی ہلاکت و عذاب کے واقعات سن کر مخالفت سے باز آ نے کا اچھا موقع ملتا ہے جو حق تعالیٰ کی ایک نعمت ہے اس کے باوجود تم اللہ تعالیٰ کی کس کس نعمت میں جھگڑا اور خلاف کرتے رہو گے۔

﴿فَبِاَیِّ اٰلَاءِ رَبِّکَ تَتَـمَارٰی﴾ پھر اے انسان تو اپنے رب کی کون کون سی نعمتوں میں شک کرے گا۔ کیونکہ اللہ تعالیٰ کی نعمتیں بالکل ظاہر ہیں جو کسی بھی لحاظ سے شک کے قابل نہیں پس بندوں کو جو بھی نعمت عطا ہوئی وہ صرف اللہ ہی کی طرف سے عطا کردہ ہے اس کے سوا کوئی مصائب کو دور نہیں کرسکتا۔

lehaza ( aey insan ! ) tu apney perwerdigar ki kon konsi naimaton mein shak keray ga-?