القمر آية ۱۲

اور زمین چشمے کرکے بہا دی تو دونوں پانی مل گئے اس مقدار پر جو مقدر تھی

اور ہم نے زمین سے چشمے جاری کر دیے پھر جہاں تک پانی کا چڑھاؤ چڑھنا ٹھہر چکا تھاچڑھ آیا

اور زمین سے چشموں کو جاری کر دیا پس اس کام کے لئے جو مقدر کیا گیا تھا (دونوں) پانی جمع ہوگئے۔

اور زمین میں چشمے جاری کردیئے تو پانی ایک کام کے لئے جو مقدر ہوچکا تھا جمع ہوگیا

اور زمین سے چشموں کو جاری کر دیا پس اس کام کے لیے جو مقدر کیا گیا تھا (دونوں) پانی جمع ہو گئے

اور ہم نے زمین سے چشمے جاری کر دئیے پس (دونوں) پانی آپس میں مل گئے ایک کام کیلئے جو مقدر ہو چکا تھا۔

اور زمین سے بھی چشمے جاری کردیئے اور پھر دونوں پانی ایک خاص مقررہ مقصد کے لئے باہم مل گئے

اور زمین میں چشمے جاری کر دئیے تو پانی ایک کام کے لئے جو مقدر ہوچکا تھا جمع ہوگیا

﴿ وَّفَجَّــرْنَا الْاَرْضَ عُیُوْنًا﴾ ’’اور ہم نے زمین سے چشمے جاری کردیے‘‘ بس آسمان نے اتنا پانی برسایا جو خارق عادت تھا تمام روئے زمین پر پانی کے چشمے پھوٹ پڑے حتیٰ کہ تنور سے بھی چشمہ پھوٹ پڑا۔ جہاں عادتاً چشمے کا ہونا تو کجا، پانی بھی نہیں ہوسکتا کیونکہ تنور آگ کی جگہ ہے ﴿ فَالْتَقَى الْمَاءُ ﴾ تو (آسمان اور زمین کا) پانی مل گیا ﴿ عَلَىٰ أَمْرٍ ﴾ایک ایسے امر پر جو اللہ کی طرف سے ﴿ قَدْ قُدِرَ ﴾بے شک طے تھا یعنی جسے اللہ تعالیٰ نے ازل میں لکھ رکھا تھا اور ان سرکش ظالموں کو سزا دینے کے لیے مقدر کررکھا تھا۔

aur zameen ko phaarr ker chashmon mein tabdeel kerdiya . aur iss tarah ( dono qisam ka ) sara paani uss kaam kay liye mil gaya jo muqaddar hochuka tha .