القمر آية ۳۸

اور بیشک صبح تڑکے ان پر ٹھہرنے والا عذاب آیا

اور بے شک صبح کو ان پر ایک عذاب نہ ٹلنے والا آ پڑا

اور یقینی بات ہے کہ انہیں صبح سویرے ہی ایک جگہ پکڑنے والے مقررہ عذاب نے غارت کر دیا (١)۔

٣٨۔١ یعنی صبح ان پر نازل ہونے والا عذاب آگیا، جو انہیں ہلاک کئے بغیر نہ چھوڑے

اور ان پر صبح سویرے ہی اٹل عذاب آ نازل ہوا

اور یقینی بات ہے کہ انہیں صبح سویرے ہی ایک جگہ پکڑنے والے مقرره عذاب نے غارت کر دیا

اور (پھر) صبح سویرے ان پر دائمی عذاب آپہنچا۔

اور ان کے اوپر صبح سویرے نہ ٹلنے والا عذاب نازل ہوگیا

اور ان پر صبح سویرے ہی اٹل عذاب آ نازل ہوا

﴿وَلَقَدْ صَبَّحَہُمْ بُکْرَۃً عَذَابٌ مُّسْتَقِرٌّ﴾ ’’اور یقیناً صبح سویرے ہی اٹل عذاب نے انہیں ہلاک کردیا۔‘‘ اللہ نے ان کی بستیوں کو تلپٹ کرکے نچلے کو الٹ کر اوپر کردیا اور اس کے بعد ان پر لگاتار کھنگر کے پتھر برسائے جو تیرے رب کے ہاں، حد سے گزرنے والوں کے لیے نشان زدہ تھے۔ اللہ نے حضرت لوط علیہ السلام اور ان کے گھروالوں کو، ان کی اپنے رب کی شکر گزاری اور اسی اکیلے عبادت کرنے کی جزا کے طور پر بہت بڑی معصومیت سے نجات دی۔

aur subha saweray unn per aisa azab hamla aawar huwa jo jamm ker reh gaya