الواقعہ آية ۳۵

بیشک ہم نے ان عورتوں کو اچھی اٹھان اٹھایا،

بے شک ہم نے انہیں (حوروں کو) ایک عجیب انداز سے پیدا کیا ہے

ہم نے ان (کی بیویوں کو) خاص طور پر بنایا ہے۔

ہم نے ان (حوروں) کو پیدا کیا

ہم نے ان کی (بیویوں کو) خاص طور پر بنایا ہے

ہم نے (حوروں) کو خاص نئے سرے سے پیدا کیا ہے۔

بیشک ان حوروں کو ہم نے ایجاد کیا ہے

ہم نے ان (حوروں) کو پیدا کیا
انا انشاناھن انشاء انشاء کے معنی پیدا کرنے کے ہیں، آیت کے معنی یہ ہیں کہ ہم نے جنت کی عورتوں کی تخلیق ایک خاص انداز سے کی ہے یہ خاص ادناز حوران جنت کے لئے تو اس طرح ہے کہ وہ جنت ہی میں بغیر واسطہ ولادت کے پیدا کی گئی ہیں اور دنیا کی عورتیں جو جنت میں جائیں گی ان کی خاص تخلیق سے مطلب یہ ہوگا کہ جو دنیا میں بدشکل سیاہ رنگ یا بوڑھی تھی اب اس کو حسین شکل و صورت میں جو ان رعنا کردیا جائے گا، جیسا کہ ترمذی اور بیہقی میں حضرت انس (رض) ت عالیٰ عنہ کی روایت ہے کہ رسول اللہ (صلی اللہ علیہ وآلہ وسلم) نے انا انشاناھن کی تفسیر میں فرمایا کہ جو عورتیں دنیا میں بوڑھی چندھی سفید بال بدلکشل تھیں انہیں یہ نئی تخلیق حسین اور نوجوان بنا دے گی اور بیہقی نے حضرت عائشہ صدیقہ (رض) سے روایت کیا ہے کہ ایک روز آپ (صلی اللہ علیہ وآلہ وسلم) گھر میں تشریف لائے میرے پاس ایک بڑھیا بیٹھی ہوئی تھیں، آپ نے دریافت فرمایا یہ کہ کون ہیں میں نے عرض کیا کہ میری رشتہ کی خالہ ہے، آنحضرت نے بطور مزاح فرمایا لاتدخل الجنۃ عجوز یعنی جنت میں کوئی بڑھیا نہیں جائے گیے، یہ بیچاری بہت غمگین ہوئیں، بعض روایات میں ہے کہ رونے لگیں تو رسول اللہ (صلی اللہ علیہ وآلہ وسلم) نے ان کو تسلی دی اور اپنی بات کی حقیقت بیان فرمائی کہ جس وقت یہ جنت میں جائیں گی تو بوڑھی نہ ہوں گی بلکہ جوان ہو کر داخل ہوں گی اور یہی آیت تلاوت فرمائی۔ (مظہری، معارف)

یعنی ہم نے اہل جنت کی عورتوں کو ایسی تخلیق پر پیدا کیا ہے جو دنیا کی تخلیق سے مختلف ہے ،یہ ایک ایسی کامل تخلیق ہے جس کو فنا نہیں۔

yaqeen jano , hum ney unn aurton ko naee uthaan di hai ,