المعارج آية ۲۳

جو اپنی نماز کے پابند ہیں

جو اپنی نماز پر ہمیشہ سے قائم ہیں

جو اپنی نمازوں پر ہمیشگی کرنے والے ہیں (۱)

۲۳۔۱مراد ہیں مومن کامل اور اہل توحید، ان کے اندر مذکورہ اخلاقی کمزوریاں نہیں ہوتیں بلکہ اس کے برعکس وہ صفات محمودہ کے پیکر ہوتے ہیں۔ ہمیشہ نماز پڑھنے کا مطلب ہے کہ نماز میں کوتاہی نہیں کرتے ہر نماز اپنے وقت پر نہایت پابندی اور التزام سے پڑھ لیتے ہیں۔ کوئی مشغولیت انہیں نماز سے نہیں روکتی اور دنیا کا کوئی فائدہ انہیں نماز سے غافل نہیں کرتا۔

جو نماز کا التزام رکھتے (اور بلاناغہ پڑھتے) ہیں

جو اپنی نماز پر ہمیشگی کرنے والے ہیں

جو اپنی نمازوں پر مُداومَت کرتے ہیں۔

جو اپنی نمازوں کی پابندی کرنے والے ہیں

جو نماز کا التزام رکھتے (اور بلا ناغہ پڑھتے) ہیں

ان کے وصف میں فرمایا : ﴿ الَّذِينَ هُمْ عَلَىٰ صَلَاتِهِمْ دَائِمُونَ ﴾۔ یعنی نماز پر، اس کی تمام شرائط اور اس کی تکمیل کرنے والے دیگر امور کے ساتھ اس کے اوقات میں ہمیشگی کرتے ہیں ۔ وہ اس شخص کی مانند نہیں ہیں جو نماز نہیں پڑھتا یا جو بے وقت پڑھتا ہےیا وہ نماز پڑھتا ہے مگر ناقص طریقے سے۔

jo apni namaz ki hamesha pabandi kertay hain ,