Skip to main content

وَّاَنَّهٗ كَانَ رِجَالٌ مِّنَ الْاِنْسِ يَعُوْذُوْنَ بِرِجَالٍ مِّنَ الْجِنِّ فَزَادُوْهُمْ رَهَقًا ۙ

وَأَنَّهُۥ
اور بیشک وہ
كَانَ
تھے
رِجَالٌ
کچھ لوگ
مِّنَ
میں سے
ٱلْإِنسِ
انسانوں
يَعُوذُونَ
جو پناہ مانگا کرتے تھے
بِرِجَالٍ
کچھ لوگوں کی
مِّنَ
میں سے
ٱلْجِنِّ
جنوں
فَزَادُوهُمْ
تو بڑھا دیا ان کو
رَهَقًا
تکبر میں۔ سرکشی میں۔ پھیلانے میں

تفسیر کمالین شرح اردو تفسیر جلالین:

اور یہ کہ "انسانوں میں سے کچھ لوگ جنوں میں سے کچھ لوگوں کی پناہ مانگا کرتے تھے، اِس طرح اُنہوں نے جنوں کا غرور اور زیادہ بڑھا دیا"

ابوالاعلی مودودی Abul A'ala Maududi

اور یہ کہ "انسانوں میں سے کچھ لوگ جنوں میں سے کچھ لوگوں کی پناہ مانگا کرتے تھے، اِس طرح اُنہوں نے جنوں کا غرور اور زیادہ بڑھا دیا"

احمد رضا خان Ahmed Raza Khan

اور یہ کہ آدمیوں میں کچھ مرد جنوں کے کچھ مردوں کے پناہ لیتے تھے تو اس سے اور بھی ان کا تکبر بڑھا،

احمد علی Ahmed Ali

اورکچھ آدمی جنوں کے مردوں سے پناہ لیاکرتے تھے سو انہوں نے ان کی سرکشی اور بڑھا دی

أحسن البيان Ahsanul Bayan

بات یہ ہے کہ چند انسان بعض جنات سے پناہ طلب کیا کرتے تھے جس سے جنات اپنی سرکشی میں اور بڑھ گئے (١)

٦۔١ یعنی جب جنات نے یہ دیکھا کہ انسان ہم سے ڈرتے ہیں اور ہماری پناہ طلب کرتے ہیں تو ان کی سرکشی اور تکبر میں اضافہ ہوگیا۔

جالندہری Fateh Muhammad Jalandhry

اور یہ کہ بعض بنی آدم بعض جنات کی پناہ پکڑا کرتے تھے (اس سے) ان کی سرکشی اور بڑھ گئی تھی

محمد جوناگڑھی Muhammad Junagarhi

بات یہ ہے کہ چند انسان بعض جنات سے پناه طلب کیا کرتے تھے جس سے جنات اپنی سرکشی میں اور بڑھ گئے

محمد حسین نجفی Muhammad Hussain Najafi

اور یہ کہ انسانوں میں سے کچھ لوگ جنات میں سے کچھ لوگوں کی پناہ لیا کرتے تھے۔

علامہ جوادی Syed Zeeshan Haitemer Jawadi

اور یہ کہ انسانوں میں سے کچھ لوگ جناّت کے بعض لوگوں کی پناہ ڈھونڈ رہے تھے تو انہوں نے گرفتاری میں اور اضافہ کردیا

طاہر القادری Tahir ul Qadri

اور یہ کہ انسانوں میں سے کچھ لوگ جنات میں سے بعض اَفراد کی پناہ لیتے تھے، سو اُن لوگوں نے اُن جنات کی سرکشی اور بڑھا دی،