القیامہ آية ۱۲

اس دن تیرے رب ہی کی طرف جاکر ٹھہرنا ہے

اس دن آپ کے رب ہی کی طرف ٹھکانہ ہے

آج تیرے پروردگار کی طرف ہی قرار گاہ ہے (١)

١٢۔١ جہاں وہ بندوں کے درمیان فیصلے فرمائے گا۔ یہ ممکن نہیں ہوگا کہ کوئی اللہ کی اس عدالت سے چھپ جائے

اس روز پروردگار ہی کے پاس ٹھکانا ہے

آج تو تیرے پروردگار کی طرف ہی قرار گاه ہے

اس دن صرف آپ(ص) کے پروردگار کی طرف ٹھکانہ ہوگا۔

اب سب کا مرکز تمہارے پروردگار کی طرف ہے

اس روز پروردگار ہی کے پاس ٹھکانہ ہے

﴿اِلٰی رَبِّکَ یَوْمَیِٕذِ الْمُسْتَــقَرُّ﴾ اس روز تمام بندوں کا تیرے رب کے پاس ٹھکانہ ہوگا ، کسی کے لیے ممکن نہ ہوگا کہ وہ چھپ سکیں یا اس جگہ سے بھاگ سکے۔ اسے وہاں ضرور ٹھہرایاجائے گا تاکہ اسے اس کے عمل کی جزا وسزا دی جائے، اس لیے فرمایا : ﴿یُنَبَّؤُا الْاِنْسَانُ یَوْمَیِٕذٍ بِمَا قَدَّمَ وَاَخَّرَ﴾ ” اس دن انسان کو بتا دیا جائے گا کہ جو اس نے آگے بھیجا اور پیچھے چھوڑا“ انسان کو اس کے اول وقت اور آخر وقت کے تمام اچھے برے اعمال کے بارے میں اس کو آگاہ کردیا جائے گا اور اس کو ایسی خبر سے آگاہ کیا جائے گا جس کا وہ انکار نہیں کرسکے گا۔

uss din to her aik ko tumharay perwerdigar hi kay samney jaker thehrna parray ga .