النازعات آية ۱۲

بولے یوں تو یہ پلٹنا تو نرا نقصان ہے

کہتے ہیں کہ یہ تو اس وقت خسارہ کا لوٹنا ہوگا

کہتے ہیں کہ پھر تو یہ لوٹنا نقصان دہ ہے (١)

١٢۔١ یعنی اگر واقعی ایسا ہوا جیسا کہ محمد صلی اللہ علیہ وسلم کہتے ہیں، پھر دوبارہ زندگی ہمارے لئے سخت نقصان دہ ہوگی

کہتے ہیں کہ یہ لوٹنا تو (موجب) زیاں ہے

کہتے ہیں کہ پھر تو یہ لوٹنا نقصان ده ہے

کہتے ہیں یہ (واپسی) تو بڑے گھاٹے کی ہوگی۔

یہ تو بڑے گھاٹے والی واپسی ہوگی

کہتے ہیں کہ یہ لوٹنا تو (موجب) زیاں ہے

﴿قَالُوْا تِلْکَ اِذًا کَرَّۃٌ خَاسِرَۃٌ﴾ ” کہتے ہیں ، یہ لوٹنا خسارہ ہے۔“ یعنی انہوں نے اللہ تعالیٰ کی قدرت کے بارے میں جہالت اور اس کے حضور جسارت کی بنا پر اس امر کو بعید سمجھا کہ اللہ تعالیٰ انہیں دوبارہ زندہ کر دے گا ، جب وہ بوسیدہ ہڈیاں بن جائیں گے تو کیا انہیں دوبارہ زندگی عطا کی جائے گی؟ اللہ تعالیٰ نے اپنے لیے اس امر کے بہت آسان ہونے کا ذکر کرتے ہوئے فرمایا: ﴿ فَإِنَّمَا هِيَ زَجْرَةٌ وَاحِدَةٌ ﴾ ” وہ تو صرف ایک ڈانٹ ہوگی۔“ یعنی اس روز صور پھونکا جائے گا، تب تمام خلائق ﴿ بِالسَّاهِرَةِ ﴾ روئے زمین پر کھڑے دیکھ رہے ہوں گے۔ پس اللہ تعالیٰ ان سب کو اکٹھا کرے گا ، ان کے درمیان عدل پر مبنی فیصلے کرے گا اور ان کی جزاوسزا دے گا۔

kehtay hain kay : agar aisa huwa to yeh baray ghatay ki wapsi hogi .