عبس آية ۲۱

پھر اسے موت دی پھر قبر میں رکھوایا

پھر اس کو موت دی پھر اس کو قبر میں رکھوایا

پھر اسے موت دی اور پھر قبر میں دفن کیا۔

پھر اس کو موت دی پھر قبر میں دفن کرایا

پھر اسے موت دی اور پھر قبر میں دفن کیا

پھر اس کو موت دی پھر اسے قبر میں پہنچایا۔

پھر اسے موت دے کر دفنا دیا

پھر اس کو موت دی پھر قبر میں دفن کرایا
ثم اماتہ فاقبرہ تخلیق انسانی کی ابتداء بیان کرنے کے بعد اس کی انتہاء کو بیان فرمایا کہ اس کی انتہاء موت اور قبر ہے، اس کا ذکر بسلسلہ انعامات فرمایا ہے، اس سے معلوم ہوا کہ انسان کی موت درحقیقت کوئی مصیبت نہیں، نعمت ہی ہے، آپ (صلی اللہ علیہ وآلہ وسلم) نے فرمایا ’ تحفۃ المئومن الموت “ کہ مومن کا تحفہ موت ہے اور اس میں مجموعہ عالم کے اعتبار سے بڑی حکمتیں ہیں فاقبرہ پھر اس کو قبر میں داخل کیا یہ بھی ایک انعام ہے کہ انسان کو حق تعالیٰ نے عام جانوروں کی طرح نہیں رکھا کہ مرگیا تو وہیں زمین پر پڑا سڑتا اور پھولتا پھٹتا رہے، بلکہ اس کا اکرام یہ کیا گیا کہ اس کو نہلا کر نئے اور پاک صاف کپڑوں میں ملبوس کر کے احترام کے ساتھ قبر میں دفن کرنا واجب ہے۔

﴿ثُمَّ اَمَاتَہٗ فَاَقْبَرَہٗ﴾ ” پھر اس کو موت دی، پھر قبر میں دفن کرادیا۔“ یعنی تدفین کے ذریعے سے اس( کے مردہ جسم ) کی تکریم کی ، تمام حیوانات کی طرح اس کے ساتھ سلوک نہیں کیا جن کی لاشیں سطح زمین پر پڑی رہتی ہیں۔

phir ussay moat di , aur qabar mein phoncha diya ,