الضحیٰ آية ۸

اور تمہیں حاجت مند پایا پھر غنی کردیا

اوراس نے آپ کو تنگدست پایا پھر غنی کر دیا

اور تجھے نادار پا کر تونگر نہیں بنا دیا۔ (۱)

۸۔۱تونگر کا مطلب ہے کہ اپنے سوا تجھ کو ہر ایک سے بےنیاز کر دیا، پس تو فقر میں صابر اور غنا میں شاکر رہا ہے۔ جیسے خود نبی صلی اللہ علیہ وسلم نے فرمایا کہ تونگری کثرت ساز و سامان کا نام نہیں اصل تونگری تو دل کی تونگری ہے۔ (صحیح مسلم)

اور تنگ دست پایا تو غنی کر دیا

اور تجھے نادار پاکر تونگر نہیں بنا دیا؟

اور اللہ تعالیٰ نے آپ(ص) کونادار پایا سو مالدار بنا دیا۔

اور تم کو تنگ دست پاکر غنی نہیں بنایا ہے

اور تنگدست پایا تو غنی کردیا
ووجدک عالاً فاغنی ” غنی کرنے “ کا مطلب ہے کہ ہم نے آپ (صلی اللہ علیہ وآلہ وسلم) کو اپنے سواہر ایک سے بےنیاز کردیا پس آپ (صلی اللہ علیہ وآلہ وسلم) فقر میں صابر اور غنی میں شاکر رہے خود نبی (صلی اللہ علیہ وآلہ وسلم) کا بھی فرمان ہے کہ تو نگری ساز و سامان کی کثرت کا نام نہیں اصل تو نگری دل کی تو نگری ہے۔ (صحیح مسلم کتاب الزکوۃ)

﴿وَوَجَدَکَ عَایِٕلًا﴾ یعنی آپ کو محتاج پایا ﴿ فَاَغْنٰی﴾ پس اللہ تعالیٰ نے آپ کو شہروں کی فتوحات کے ذریعے سے ،جہاں سے آپ کے لیے مال اور خراج آیا ،غنی کردیا۔ جس ہستی نے آپ کی یہ کمی دور کی ہے وہ عنقریب آپ کی ہر کمی کو دور کردے گی اور وہ ہستی جس نے آپ کو تونگری تک پہنچایا ،آپ کو پناہ دی ، آپ کو نصرت عطا کی اور آپ کو راہ راست سے نوازا ، اس کی نعمت پر شکر ادا کیجئے۔

aur tumhen nadaar paya to ghani kerdiya .