الم نشرح آية ۴

اور ہم نے تمہارے لیے تمہارا ذکر بلند کردیا

اور ہم نے آپ کا ذکر بلند کر دیا

ہم نے تیرا ذکر بلند کر دیا۔ (۱)

٤۔۱یعنی جہاں اللہ کا نام آتا ہے وہیں آپ کا نام بھی آتا ہے، مثلا اذان، نماز، دیگر بہت سے مقامات پر، گزشتہ کتابوں میں آپ کا تذکرہ اور صفات کی تفصیل ہے۔ فرشتوں میں آپ کا ذکر خیر ہے آپ کی اطاعت کو اللہ نے اپنی اطاعت قرار دیا اور اپنی اطاعت کے ساتھ آپ کی اطاعت کا بھی حکم دیا۔

اور تمہارا ذکر بلند کیا

اور ہمنے تیرا ذکر بلند کر دیا

اور آپ(ص) کے ذکر (آوازہ) کو بلند کیا۔

اور آپ کے ذکر کو بلند کردیا

اور تمہارا ذکر بلند کیا

﴿ وَرَفَعْنَا لَکَ ذِکْرَکَ﴾ یعنی ہم نے آپ کی قدرومنزلت بلند کی، ہم نے آپ کو ثنائے حسن اور ذکر بلند سے سرفراز کیا جہاں آج تک مخلوق میں سے کوئی ہستی نہیں پہنچ سکی۔ پس جب بھی اللہ تعالیٰ کا ذکر کیا جاتا ہے تو اس کے ساتھ رسول اللہ صلی اللہ علیہ وسلم کا ذکر کیا جاتا ہے ، مثلا : اسلام میں داخل ہوتے وقت، اذان اور اقامت کے اندر، خطبوں اور دیگر امور میں جن کے ذریعے سے اللہ تعالیٰ نے اپنے رسول محمد مصطفی ٰ صلی اللہ علیہ وسلم کا ذکر بلند کیا ہے ۔ امت کے دلوں میں اللہ تعالیٰ کے بعد آپ کے لیے جو محبت، تعظیم اور اجلال ہے وہ کسی اور کے لیے نہیں۔ پس اللہ تعالیٰ آپ کو آپ کی امت کی طرف سے افضل ترین جزائے خیر عطا کرے جو کسی نبی کو اس کی امت کی طرف سے عطا کی ہے۔

aur hum ney tumhari khatir tumharay tazakaray ko ooncha maqam ata kerdiya hai .