الشعراء آية ۱۲۴

جبکہ ان سے ان کے ہم قوم ہود نے فرمایا کیا تم ڈرتے نہیں،

جب ان سے ان کے بھائی ہود نے کہا کہ تم کیوں نہیں ڈرتے

جبکہ ان سے ان کے بھائی ہود (١) نے کہا کہ کیا تم ڈرتے نہیں؟۔

١٢٤۔١ ہود علیہ السلام کو بھی عاد کا بھائی اس لئے کہا گیا ہے کہ ہر نبی اسی قوم کا ایک فرد ہوتا ہے، جس کی طرف اسے مبعوث کیا جاتا تھا اور اسی اعتبار سے انہیں اس قوم کا بھائی قرار دیا گیا۔ جیسا کہ آگے بھی آئے گا اور انبیاء ورسل کی یہ بشریت بھی ان کی قوموں کے ایمان لانے میں رکاوٹ بنی رہی ہے ان کا خیال تھا کہ نبی کو بشر نہیں، مافوق البشر ہونا چاہیے آج بھی اس مسلمہ حقیقت سے بےخبر لوگ پیغمبر اسلام حضرت نبی کریم صلی اللہ علیہ وسلم کو مافوق البشر باور کرانے پر تلے رہتے ہیں حالانکہ وہ بھی خاندان قریش کے ایک فرد تھے جن کی طرف اولا ان کو پیغمبر بنا کر بھیجا گیا تھا۔

جب ان سے ان کے بھائی ہود نے کہا کیا تم ڈرتے نہیں

جبکہ ان سے ان کے بھائی ہود نے کہا کہ کیا تم ڈرتے نہیں؟

جبکہ ان کے بھائی ہود نے ان سے کہا کیا تم ڈرتے نہیں ہو؟

جب ان کے بھائی ہود نے کہا کہ تم خورِ خدا کیوں نہیں پیدا کرتے ہو

جب ان سے انکے بھائی ہود نے کہا کیا تم ڈرتے نہیں ؟

﴿إِذْ قَالَ لَهُمْ أَخُوهُمْ﴾ ” جب ان کے بھائی نے انہیں کہا۔” یعنی نسبی بھائی ﴿ هُودٌ ﴾ ” ہود علیہ السلام نے“ نہایت شفقت اور بہترین طریقے سے مخاطب ہو کر کہا : ﴿ أَلَا تَتَّقُونَ ﴾ ” کیا تم ڈرتے نہیں۔“ یعنی تم اللہ تعالیٰ سے ڈرتے ہوئے شرک اور غیر اللہ کی عبادت کو چھوڑتے نہیں؟

jabkay unn kay bhai Hood ney unn say kaha kay : kiya tum Allah say dartay nahi ho-?