یٰس آية ۵۷

ان کے لیے اس میں میوہ ہے اور ان کے لیے ہے اس میں جو مانگیں،

ان کے لیے وہاں میوہ ہوگا اور انہیں ملے گا جو وہ مانگیں گے

ان کے لئے جنت میں ہر قسم کے میوے ہوں گے اور بھی جو کچھ وہ طلب کریں۔

وہاں ان کے لئے میوے اور جو چاہیں گے (موجود ہوگا)

ان کے لئے جنت میں ہر قسم کے میوے ہوں گے اور بھی جو کچھ وه طلب کریں

وہاں ان کے (کھانے پینے) کیلئے (ہر قسم کے) پھل ہوں گے اور وہ سب کچھ ہوگا جو وہ طلب کریں گے۔

ان کے لئے تازہ تازہ میوے ہوں گے اور اس کے علاوہ جو کچھ بھی وہ چاہیں گے

وہاں ان کے لئے میوے اور جو چاہیں گے (موجود ہوگا )

﴿لَهُمْ فِيهَا فَاكِهَةٌ ﴾ اس میں ان کے لئے تمام قسم کے لذیذ پھل اور میوے بکثرت ہوں گے، مثلا انگور، انجیر اور انار وغیرہ ﴿وَلَهُم مَّا يَدَّعُونَ﴾ یعنی جو کچھ بھی وہ طلب کریں گے اور تمنا کریں گے، پا لیں گے۔

wahan unn kay liye meway hon gay , aur unhen her woh cheez milay gi jo woh mangwayen gay .