الصافات آية ۱۰۱

تو ہم نے اسے خوشخبری سنائی ایک عقل مند لڑکے کی،

پس ہم نے اسے ایک لڑکے حلم والے کی خوشخبری دی

تو ہم نے اسے ایک بردبار بچے کی بشارت دی (١)۔

١٠١۔١ حَلِیْمٍ کہہ کر اشارہ فرما دیا کہ بچہ بڑا ہو کر بردبار ہوگا۔

تو ہم نے ان کو ایک نرم دل لڑکے کی خوشخبری دی

تو ہم نے اسے ایک بردبار بچے کی بشارت دی

(اس دعا کے بعد) ہم نے ان کو ایک حلیم و بردبار بیٹے کی بشارت دی۔

پھر ہم نے انہیں ایک نیک دل فرزند کی بشارت دی

تو ہم ان کو ایک نرم دل لڑکے کی خوشخبری دی

﴿فَبَشَّرْنَاهُ بِغُلَامٍ حَلِيمٍ ﴾ ” تو ہم نے اسے ایک بردبار بچے کی بشارت دی۔“ بلاشک اس سے مراد اسماعیل علیہ السلام ہیں کیونکہ اللہ تعالیٰ نے اس بشارت کے بعد ہی اسحاق علیہ السلام کی بشارت بھی دی ہے نیز اللہ تعالیٰ نے ایک مقام پر اسحاق علیہ السلام کے بارے میں اس طرح خوش خبری سنائی ہے : ﴿فَبَشَّرْنَاهَا بِإِسْحَاقَ وَمِن وَرَاءِ إِسْحَاقَ يَعْقُوبَ ﴾(ھود:11؍71) ” ہم نے اسے اسحاق کی خوش خبری دی اور اسحاق کے بعد یعقوب کی۔“ یہ اس بات کی دلیل ہے کہ اسحاق ذبیح نہ تھے۔ اللہ تعالیٰ نے اسماعیل علیہ السلام کو حلم سے موصوف کیا ہے، جو صبر، حسن خلق، وسیع القلبی اور قصور واروں سے عفو و در گزر کو متضمن ہے۔

chunacheh hum ney unhen aik burdbaar larkay ki khushkhabri di .