الزخرف آية ۷۳

تمہارے لیے اس میں بہت میوے ہیں کہ ان میں سے کھاؤ

تمہارے لیے وہاں بہت سے میوے ہیں جن میں سے کھایا کرو گے

یہاں تمہارے لئے بکثرت میوے ہیں جنہیں تم کھاتے رہو گے۔

وہاں تمہارے لئے بہت سے میوے ہیں جن کو تم کھاؤ گے

یہاں تمہارے لیے بکثرت میوے ہیں جنہیں تم کھاتے رہو گے

تمہارے لئے اس میں بہت سے میوے ہیں جن سے تم کھاؤ گے۔

اس میں تمہارے لئے بہت سے میوے ہیں جن میں سے تم کھاؤ گے

وہاں تمہارے لئے بہت سے میوے ہیں جن کو تم کھاؤ گے

﴿وَتِلْكَ الْجَنَّةُ﴾ وہ جنت جو کامل ترین اوصاف سے موصوف ہے ﴿الَّتِي أُورِثْتُمُوهَا بِمَا كُنتُمْ تَعْمَلُونَ﴾ ” جس کے تم مالک بنا دیئے گئے وہ تمہارے اعمال کا صلہ ہے۔“ یعنی جو اللہ تعالیٰ نے تمہیں تمہارے اعمال کے بدلے میں عطا کی ہے، اپنے فضل و کرم سے اس کو اعمال کی جزا قرار دیا اور اس نے اپنی رحمت سے اس میں ہر چیز عطا کردی۔ ﴿ لَكُمْ فِيهَا فَاكِهَةٌ كَثِيرَةٌ ﴾ ” وہاں تمہارے لئے بہت سے پھل ہیں۔“ جیسا کہ ایک اور آیت کریمہ میں فرمایا : ﴿فِيهِمَا مِن كُلِّ فَاكِهَةٍ زَوْجَانِ﴾(الرحمٰن :55؍52) ” ان جنتوں میں تمام پھل دو دو اقسام کے ہوں گے۔“ ﴿مِّنْهَا تَأْكُلُونَ﴾ یعنی تم ان مزے دار میووں اور لذیذ پھلوں کو چن چن کر کھاؤ گے۔ جنت کی نعمتوں کا ذکر کرنے کے بعد اللہ تعالیٰ نے جہنم کے عذاب کا ذکر فرمایا۔

iss mein tumharay liye khoob ifraat kay sath meway hain jinn mein say tum khao gay .