الدخان آية ۴۰

بیشک فیصلہ کا دن ان سب کی میعاد ہے،

بے شک فیصلہ کا دن ان سب کے لیے مقرر ہو چکا ہے

یقیناً فیصلے کا دن ان سب کا طے شدہ وقت ہے۔ (١)

٤٠۔١ یعنی وہ اصل مقصد ہے جس کے لئے انسانوں کو پیدا کیا گیا اور آسمان و زمین کی تخلیق کی گئی ہے۔

کچھ شک نہیں کہ فیصلے کا دن ان سب (کے اُٹھنے) کا وقت ہے

یقیناً فیصلے کا دن ان سب کا طے شده وقت ہے

بےشک فیصلہ کا دن (قیامت) ان سب کا طے شدہ وقت ہے۔

بیشک فیصلہ کا دن ان سب کے اٹھائے جانے کا مقررہ وقت ہے

کچھ شک نہیں کہ فیصلے کا دن ان سب (کے اٹھنے) کا وقت ہے

﴿إِنَّ يَوْمَ الْفَصْلِ ﴾ ” بے شک فیصلے کا دن“ اس سے مراد قیامت کا دن ہے جب اللہ اولین و آخرین اور اختلاف کرنے والوں کے درمیان فیصلہ کرے گا۔ ﴿مِيقَاتُهُمْ أَجْمَعِينَ ﴾ یعنی تمام خلائق کے لئے ایک وقت مقرر ہے اس وقت میں اللہ تعالیٰ سب کو جمع کرے گا، ان کو اور ان کے اعمال کو اپنے سامنے حاضر کرے گا اور ان کو ان کے اعمال کی جزا و سزا دے گا۔

haqeeqat yeh hai kay faislay ka din inn sabb ki muqarrara miyaad hai ,