الذاریات آية ۱۹

اور ان کے مالوں میں حق تھا منگتا اور بے نصیب کا

اور ان کے مالوں میں سوال کرنے والے اور محتاج کا حق ہوتا تھا

اور ان کے مال میں مانگنے والوں اور سوال سے بچنے والوں کا حق تھا (١)

١٩۔١ محروم سے مراد، وہ ضرورت مند ہے جو سوال سے اجتناب کرتا ہے۔ چنانچہ مستحق ہونے کے باوجودلوگ اسے نہیں دیتے۔ یا وہ شخص ہے جس کا سب کچھ، آفت ارضی و سماوی میں، تباہ ہو جائے۔

اور ان کے مال میں مانگنے والے اور نہ مانگنے والے (دونوں) کا حق ہوتا تھا

اور ان کے مال میں مانگنے والوں کا اور سوال سے بچنے والوں کا حق تھا

اور ان کے مالوں میں سے سوال کرنے والے اور سوال نہ کرنے والے محتاج سب کا حصہ تھا۔

اور ان کے اموال میں مانگنے والے اور نہ مانگنے والے محروم افراد کے لئے ایک حق تھا

اور ان کے مال میں مانگنے والے اور نہ مانگنے والے (دونوں) کا حق ہوتا تھا
وفی اموالھم حق للسائل و المحروم محروم سے مراد وہ ضرورت مند ہے جو سوال سے اجتناب کرتا ہے، چناچہ مستحق ہونے کے باوجود لوگ اسے نہیں دیتے، یہ قتادہ اور زہری کی رائے ہے (شوکانی) یا وہ شخص مراد ہے جس کا آفت ارضی و سماوی سے سب کچھ تباہ ہوجائے، یہ زید بن اسلم سے منقول ہے (فتح القدیر شوکانی) حسن اور محمد ابن الحنفیہ نے کہا ہے کہ محروم وہ شخص ہے کہ جو مال غنیمت اور مال فئی سے محروم رہے اس کے علاوہ بھی اور بہت سے اقوال ہیں۔

﴿وَفِي أَمْوَالِهِمْ حَقٌّ﴾ ان کے اموال میں حق واجب اور حق مستحب ہے ﴿لِّلسَّائِلِ وَالْمَحْرُومِ﴾ یعنی ان محتاجوں کے لئے جو لوگوں سے سوال کرتے ہیں اور ان محتاجوں کے لئے جو لوگوں سے سوال نہیں کرتے۔

aur unn kay maal o dolat mein saeelon aur mehroom logon ka ( ba-qaeeda ) haq hota tha .