القمر آية ۴۹

بیشک ہم نے ہر چیز ایک اندازہ سے پیدا فرمائی

بے شک ہم نے ہر چیز اندازے سے بنائی ہے

بیشک ہم نے ہرچیز کو ایک (مقررہ) اندازے سے پیدا کیا ہے۔

ہم نے ہر چیز اندازہٴ مقرر کے ساتھ پیدا کی ہے

بیشک ہم نے ہر چیز کو ایک (مقرره) اندازے پر پیدا کیا ہے

بےشک ہم نے ہر چیز کو خاص اندازہ سے پیدا کیا ہے۔

بیشک ہم نے ہر شے کو ایک اندازہ کے مطابق پیدا کیا ہے

ہم نے ہر چیز اندازہ مقرر کے ساتھ پیدا کی ہے
مسئلہ تقدیر :۔
انا کل شیء خلقناہ بقر ائمہ اہل سنت نے اس آیت اور اسی جیسی دیگر آیات سے استدلال کرتے ہوئے تقدیر الٰہی کا اثبات کیا ہے جس کا فرقہ قدر یہ انکار کرتا ہے، مطلب یہ ہے کہ دنیا کی کوئی چیز الل ٹپ نہیں پیدا کردی گئی ہے، بلکہ ہر چیز کی ایک تقدیر اور منصوبہ بندی ہے جس کے مطابق وہ ایک مقرر وقت پر بنتی ہے اور خاص شکل و صورت اختیار کرتی ہے ایک خاص مدت تک نشو و نما پاتی ہے ا ایک خاص مدت تک باقی رہتی ہے اور ایک خاص وقت پر ختم ہوجاتی ہے، اسی عالمگیر ضابطہ کے مطابق خود اس دنیا کی بھی ایک تقدیر ہے جس کے مطابق ایک وقت خاص تک یہ چل رہی ہے اور ایک وقت خاص پر اسے ختم ہونا ہے۔

﴿اِنَّا کُلَّ شَیْءٍ خَلَقْنٰہُ بِقَدَرٍ﴾ ’’بے شک ہم نے ہر چیز کو مقرر اندازے کے مطابق پیدا کیا۔‘‘ یہ آیت کریمہ تمام مخلوقات، تمام علوی اور سفلی کائنات کو شامل ہے، تمام کائنات کو اللہ تعالیٰ اکیلے نے پیدا کیا، اللہ کے سوا کوئی ان کا خالق نہیں اور نہ اس کی تخلیق میں کسی کی کوئی شراکت ہی ہے۔ اس نے اس کائنات کو ایسی قضاوقدر کے ساتھ پیدا کیا، جس کے بارے میں اس کا علم سبقت کر گیا، اس کی مقدار، وقت اور اس کے تمام اوصاف کو اس کے قلم نے درج کرلیا۔ یہ سب کچھ اللہ کے لیے بہت آسان تھے۔ اسی لیے فرمایا: ﴿وَمَآ اَمْرُنَآ اِلَّا وَاحِدَۃٌ کَلَمْحٍ بِالْبَصَرِ﴾ ’’اور ہمارا حکم تو آنکھ جھپکنے کی طرح ایک بات ہی ہوتی ہے۔‘‘ یعنی اللہ تعالیٰ کسی چیز کا ارادہ کرتا ہے تو اس سے کہتا ہے ہوجا۔ تو وہ چیز آنکھ جھپکنے کے مانند، بغیر کسی رکاوٹ اور بغیر کسی صعوبت کے اس طرح ہوجاتی ہے جیسا کہ اس نے ارادہ کیا تھا۔

hum ney her cheez ko naap tol kay sath peda kiya hai .