المدثر آية ۶

اور زیادہ لینے کی نیت سے کسی پر احسان نہ کرو

اوربدلہ پانے کی غرض سے احسان نہ کرو

اور احسان کرکے زیادہ لینے کی خواہش نہ کر (١)

٦۔١ یعنی احسان کرکے یہ خواہش نہ کر کہ بدلے میں اس سے زیادہ ملے گا۔

اور (اس نیت سے) احسان نہ کرو کہ اس سے زیادہ کے طالب ہو

اور احسان کرکے زیاده لینے کی خواہش نہ کر

اور (کسی پر) احسان نہ کیجئے زیادہ حاصل کرنے کیلئے۔

اور اس طرح احسان نہ کرو کہ زیادہ کے طلب گار بن جاؤ

اور (اس نیت سے) احسان نہ کرو کہ اس سے زیادہ کے طالب ہو
ولا تمنن تستکثر، اس کا ایک مطلب تو یہ ہے کہ جس پر احسان کرو بےغرضانہ کرو، آپ (صلی اللہ علیہ وآلہ وسلم) کی عطا و بخشش، جود و سخا، حسن سلوک و ہمدردی محض اللہ کے لئے ہو اس میں کوئی شائبہ اس خواہش کا نہ ہو کہ احسان کے بدلے آپ (صلی اللہ علیہ وآلہ وسلم) کو کسی قسم کے دنیوی فوائد حاصل ہوں، اس سے معلوم ہوا کہ کسی شخص کو ہدیہ و تحفہ اس نیت سے دینا کہ وہ اس کے عوض اس سے زیادہ دے گا، یہ مذموم اور مکروہ ہے، قرآن کریم کی دوسری آیات سے اگرچہ عام لوگوں کے لئے اس کا جواز معلوم ہوتا ہے مگر وہ بھی کراہت سے خالی نہیں اور شریفانہ اخلاق کے بھی منافی ہے۔

﴿وَلَا تَمْنُنْ تَسْتَکْثِرُ﴾ یعنی آپ نے لوگوں پر جو دینی اور دنیاوی احسانات کیے ہیں ،انہیں جتلائیں نہیں کہ اس احسان کے بدلے میں زیادہ حاصل کریں اور ان احسانات کی وجہ سے اپنے آپ کو لوگوں سے افضل سمجھیں بلکہ جب بھی آپ کے لیے ممکن ہو آپ لوگوں پر احسان کریں، پھر ان پر اپنے اس احسان کو بھول جائیے اور اللہ تعالیٰ سے اس کا اجر طلب کیجئے ۔ جس پر آپ نے احسان کیا ہے اسے اور دوسروں کو برابر سطح پر رکھیں۔ یہ بھی کہا گیا ہے کہ اس کا معنی یہ ہے کہ آپ کسی کو کوئی چیز اس لیے عطا نہ کریں کہ آپ کا ارادہ ہو کہ وہ آپ کو اس سے بڑھ کر بدلہ عطا کرے ، تب یہ نبی اکرم صلی اللہ علیہ وسلم کے ساتھ مختص ہے۔

aur koi ehsan iss niyyat say naa kero kay ziyada wasool ker-sako .