عبس آية ۱۲

تو جو چاہے اسے یا د کرے

پس جو چاہے اس کو یاد کرے

جو چاہے اس سے نصیحت لے (١)

١٢۔١ یعنی جو اس میں رغبت کرے، وہ اس سے نصیحت حاصل کرے، اور اسے یاد کرے اور اس پر عمل کرے اور جو اس سے منہ پھیرے، جیسے اشراف قریش نے کیا، تو ان کی فکر کرنے کی ضرورت نہیں۔

پس جو چاہے اسے یاد رکھے

جو چاہے اس سے نصیحت لے

جو چاہے اسے قبول کرے۔

جس کا جی چاہے قبول کرلے

پس جو چاہے اسے یاد رکھے

جب رشد و ہدایت واضح ہوگئی ﴿فَمَنْ شَاءَ ذَکَرَہٗ﴾ ” تو جو چاہے اس کو یاد رکھے۔ “ یعنی اس پر عمل کرے جیسا کہ اللہ تعالیٰ نے فرمایا :﴿ وَقُلِ الْحَقُّ مِن رَّبِّكُمْ فَمَن شَاءَ فَلْيُؤْمِن وَمَن شَاءَ فَلْيَكْفُرْ﴾( لکھف :18؍29) ”اور کہہ دیجئے حق تمہارے رب کی طرف سے ہے، پس جو چاہے ایمان لائے اور جو چاہے انکار کردے۔“

abb jo chahye , ussay yaad kerlay ,