المطففین آية ۳۱

اور جب (ف۹۳۳ اپنے گھر پلٹتے خوشیاں کرتے پلٹتے

اور جب اپنے گھر والوں کے پاس لوٹ کر جاتے تو ہنستے ہوئے جاتے تھے

اور جب اپنے والوں کی طرف لوٹتے تو دل لگیاں کرتے تھے (١)

٣١۔١ یعنی اہل ایمان کا ذکر کر کے خوش ہوتے اور دل لگیاں کرتے۔ دوسرا مطلب یہ کہ جب اپنے گھروں میں لو ٹتے تو وہاں خوشحالی اور فراغت ان کا استقبال کرتی اور جو چاہتے وہ انہیں مل جاتا، اس کے باوجود انہوں نے اللہ کا شکر ادا نہیں کیا بلکہ اہل ایمان کی تحقیر کی اور ان پر حسد کرنے میں ہی مشغول رہے (ابن کثیر)

اور جب اپنے گھر کو لوٹتے تو اتراتے ہوئے لوٹتے

اور جب اپنے والوں کی طرف لوٹتے تو دل لگیاں کرتے تھے

اور جب اپنے گھر والوں کی طرف لوٹتے تھے تو دل لگیاں کرتے ہوئے لوٹتے تھے۔

اور جب اپنے اہل کی طرف پلٹ کر آتے تھے تو خوش وخرم ہوتے تھے

اور جب اپنے گھر کو لوٹتے تو اتراتے ہوئے لوٹتے

﴿ وَاِذَا انْقَلَبُوْٓا اِلٰٓی اَہْلِہِمُ﴾ ” اور جب وہ اپنے گھر کو لوٹتے۔“ یعنی صبح وشام ﴿انْقَلَبُوْا فَکِہِیْنَ﴾ تو مسرور اور خوش وخرم لوٹتے ۔ یہ سب سے بڑی فریب خوردگی ہے کہ انہوں نے دنیا میں برائی کو امن کے ساتھ اکٹھا کردیا، گویا ان کے پاس اللہ تعالیٰ کی طرف سے کوئی کتاب یا عہد آگیا ہے وہ اہل سعادت ہیں، انہوں نے اپنے بارے میں حکم لگایا ہے کہ وہ یدایت یافتہ لوگ ہیں اور اہل ایمان گمراہ لوگ ہیں۔ یہ اللہ تعالیٰ پر بہتان طرازی اور بلاعلم بات کہنے کی جسارت ہے ۔اللہ تعالیٰ نے فرمایا : ﴿وَمَآ اُرْسِلُوْا عَلَیْہِمْ حٰفِظِیْنَ ﴾ یعنی ان کو اہل ایمان پر وکیل اور ان کے اعمال کی حفاظت کا ذمے دار بنا کر نہیں بھیجا گیا کہ وہ ان پر گمراہی کا بہتان لگانے کی حرص رکھیں اور یہ ان کی طرف سے محض عیب جوئی، عناد اور محض کھیل تماشا ہے، اس کی کوئی دلیل ہے نہ برہان ، اس لیے آخرت میں ان کی جزا ان کے عمل کی جنس میں سے ہوگی۔

aur jab apney ghar walon kay paas loat ker jatay thay , to dil lagi kertay huye jatay thay .