الاعلیٰ آية ۳

اور جس نے اندازہ پر رکھ کر راہ دی

اور جس نے اندازہ ٹھہرایا پھر راہ دکھائی

اور جس نے (ٹھیک ٹھاک) اندازہ کیا اور پھر راہ دکھائی (١)

٣۔١ یعنی نیکی اور بدی کی، ضروریات زندگی، اشیا کی جنسوں کی، ان کی انواع و صفات اور خصوصیات کا اندازہ فرما کر انسان کی بھی ان کی طرف رہنمائی فرما دی تاکہ انسان ان سے استفادہ حاصل کرے۔

اور جس نے (اس کا) اندازہ ٹہرایا (پھر اس کو) رستہ بتایا

اور جس نے (ٹھیک ٹھاک) اندازه کیا اور پھر راه دکھائی

جس نے تقدیر مقرر کی (ہر چیز کا اندازہ مقرر کیا) اور (سیدھی) راہ دکھائی۔

جس نے تقدیر معین کی ہے اور پھر ہدایت دی ہے

اور جس نے اس کا اندازہ ٹھیرایا (پھر اسکو) راستہ بتایا

﴿وَالَّذِیْ قَدَّرَ﴾ اس نے اندازہ مقرر کردیا جس کی تمام مقدرات پیروی کرتی ہیں ﴿ فَہَدٰی﴾ اور اس کی طرف تمام مخلوقات کی راہنمائی کی ، یہ ہدایت عام ہے جس کا مضمون یہ ہے کہ اللہ تعالیٰ نے ہر مخلوق کو اس کے مصالح کی راہ دکھائی ہے اور اس میں اس کی تمام دنیاوی نعمتوں کا ذکر کیا جاتا ہے ۔ اسی لیے اس کے بارے میں فرمایا: ﴿وَالَّذِیْٓ اَخْرَجَ الْمَرْعٰی﴾ یعنی اللہ تعالیٰ نے آسمان سے پانی برسایا، پھر اس پانی سے نباتات اور سرسبز گھاس کی مختلف اصناف اگائیں ، جنہیں انسان ، چوپائے اور تمام حیوانات کھاتے ہیں ۔ پھر اس نباتات وغیرہ کا جتنا جو بن مقدر ہوتا ہے، اس کے مکمل کرلینے کے بعد ، نباتات اور سبز گھاس کو خشک کرد یتا ہے۔

aur jiss ney her cheez ko aik khaas andaz diya , phir raasta bataya ,