الاعلیٰ آية ۶

اب ہم تمہیں پڑھائیں گے کہ تم نہ بھولو گے

البتہ ہم آپ کو پڑھائیں گے پھر آپ نہ بھولیں گے

ہم تجھے پڑھائیں گے پھر تو نہ بولے گا (١)

٦۔١ حضرت جبرائیل علیہ السلام وحی لے کر آتے تو آپ جلدی جلدی پڑھتے تاکہ بھول نہ جائے اللہ تعالٰی نے فرمایا اس طرح جلدی نہ کریں، نازل شدہ وحی ہم آپ کو پڑھوائیں گے، یعنی آپ کی زبان پر جاری کر دیں گے۔ پس آپ بھولیں گے نہیں۔ مگر جسے اللہ چاہے گا لیکن اللہ نے ایسا نہیں چاہا، اس لیے آپ کو سب کچھ یاد ہی رہا بعض نے کہا کہ اس کا مفہوم ہے کہ جن کو اللہ منسوخ کرنا چاہے گا وہ آپ کو بھلوا دے گا (فتح القدیر)

ہم تمہیں پڑھا دیں گے کہ تم فراموش نہ کرو گے

ہم تجھے پڑھائیں گے پھر تو نہ بھولے گا

ہم آپ(ص) کو (ایسا) پڑھائیں گے کہ پھر آپ(ص) نہیں بھولیں گے۔

ہم عنقریب تمہیں اس طرح پڑھائیں گے کہ بھول نہ سکوگے

ہم تمہیں پڑھائیں گے کہ تم فراموش نہ کرسکو گے
سنقرئک فلاتنسی حاکم نے حضرت سعد بن ابی وقاص (رض) سے اور ابن مردویہ نے حضرت عبداللہ بن عباس (رض) سے روایت نقل کی ہے کہ رسول اللہ (صلی اللہ علیہ وآلہ وسلم) قرآن کے الفاظ کو اس خوف سے جبرائیل (علیہ الصلوۃ والسلام) کے ساتھ ساتھ دہراتے جاتے تھے کہ کہیں بھول نہ جائیں، مجاہد اور کلبیک ہتے ہیں کہ جبرائیل (علیہ الصلوۃ والسلام) وحی سنا کر فارغ نہ ہوتے تھے کہ آپ (صلی اللہ علیہ وآلہ وسلم) بھول جانے کے اندیشہ سے دہرانے لگتے تھے اسی بناء پر اللہ تعالیٰ نے نبی (صلی اللہ علیہ وآلہ وسلم) کو یہ اطمینان دلایا کہ وحی کے نزول کے وقت آپ (صلی اللہ علیہ وآلہ وسلم) خاموشی سے سنتے رہیں ہم اسے آپ (صلی اللہ علیہ وآلہ وسلم) کو پڑھوا دیں گے اور وہ ہمیشہ کے لئے آپ (صلی اللہ علیہ وآلہ وسلم) کو یاد ہوجائے گا۔

اس لیے اللہ تعالیٰ نے ان نعمتوں کی اصل اور اس کے مادے یعنی قرآن کا ذکر کرکے احسان جتلایا ہے ۔ چنانچہ فرمایا : ﴿سَنُقْرِئُکَ فَلَا تَنْسٰٓی﴾ ہم نے آپ کی طرف جو کتاب وحی کی ہے، اسے محفوظ کردیں گے اور آپ کے قلب کو یاد کرادیں گے ۔ پس آپ اس میں سے کچھ بھی نہیں بھولیں گے۔ یہ اللہ تعالیٰ کی طرف سے اپنے بندے اور رسول محمد مصطفیٰ صلی اللہ علیہ وآلہ وسلم کے لیے بہت بڑی خوش خبری ہے کہ اللہ تعالیٰ آپ کو ایسا علم عطا کرے گا جسے آپ کبھی فراموش نہیں کریں گے۔

. ( aey payghumber ! ) hum tumhen parhayen gay , phir tum bhoolo gay nahi ,