الاعلیٰ آية ۸

اور ہم تمہارے لیے آسانی کا سامان کردیں گے

اور ہم آپ کو آسان شریعت کے سمجھنے کی توفیق دیں گے

ہم آپ کیلئے آسانی پیدا کر دیں گے (١)

٨۔١ یہ بھی عام ہے۔ ہم آپ پر وحی آسان کر دیں گے تاکہ اس کو یاد کرنا اور اس پر عمل کرنا آسان ہو جائے ہم آپ کے اس طریقے سے رہنمائی کریں گے جو آسان ہوگا، ہم جنت والا عمل آپ کے لئے آسان کر دیں گے۔ ہم آپ کے لیے ایسے اقوال وافعال آسان کر دیں گے جن میں خیر ہو اور ہم آپ کے لیے ایسی شریعت مقرر کریں گے جو سہل، مستقیم، اور معتدل ہوگی جس میں کوئی کجی، عسر اور تنگی نہیں ہوگی۔

ہم تم کو آسان طریقے کی توفیق دیں گے

ہم آپ کے لئے آسانی پیدا کر دیں گے

اور ہم آپ(ص) کو آسان (شریعت) کی سہولت دیں گے۔

اور ہم تم کو آسان راستہ کی توفیق دیں گے

ہم تم کو آسان طریقے کی توفیق دیں گے
ونیسرک للیسریٰ یہ عام ہے مثلاً ہم آپ (صلی اللہ علیہ وآلہ وسلم) پر وحی آسان کردیں گے تاکہ اس کو یاد کرنا اور اس پر عمل کرنا آسان ہوجائے، ہم آپ (صلی اللہ علیہ وآلہ وسلم) کی اس طریقہ کی طرف رہنمائی کریں گے جو آسان ہوگا، ہم آپ (صلی اللہ علیہ وآلہ وسلم) کے لئے ایسی شریعت مقرر کریں گے جو سہل، مستقیم اور معتدل ہوگی، جس میں کوئی کمی اور عسر اور تنگی نہیں ہوگی، وغیرہ۔

﴿وَنُیَسِّرُکَ لِلْیُسْرٰی﴾ یہ ایک اور خوشخبری ہے کہ اللہ تعالیٰ اپنے رسول صلی اللہ علیہ وسلم کو آپکے تمام امور میں آسانی مہیا فرمائے گا اور آپ کے دین اور شریعت کو آسان بنائے گا۔

aur hum tumhen aasaan shariyat ( per chalney kay liye ) sahoolat den gay .